Hebrearja 10:33 - O Debleskro Lab 2024 (Sinte-Manouche)

³³ Boud t'mendar van glan lauterende praasedo oun dino. I vavar t'mendar van ap i rig kolendar, kay praasedo oun dino van.

O Debleskro Drom 2021 (Sinte)

³³ Bud tumendar wan glan lauterende praassedo un dino. I wawar tumendar wan ap i rig kolendar, kai praassedo un dino wan.

Hebrearja 10:33 Referans Kwoze

1. Korintarja 4:9

Mer, kay ham o Yezous Kristeskre bičepangre, menge hi yaake, har te anals men o Devel kote, kay ham či moldo an i menshengre yaka. Mer ham har i kourepangre, kay hounte kourenn pen, bis te venn le moulo dino. Oun i menshe oun i bolepangre dikenn kova.

Filiparja 4:14

Ninna te rakrau yaake, his kova shoukar t'mendar, kay van mange ap i rig, har djas mange gar mishto.

Filiparja 1:7

Me nay sharau t'men yaake. T'mer han an miro dji oun rikrenn mantsa khetne, ninna kanna, kay hom an o stilepen, oun penau o lačo lab o Yezous Kristestar glan i čačepangre oun sikrau lende leskro drom yaake, te djinenn le o čačepen.

Hebrearja 11:36

Vavar van praasedo, oun van i čoupniyah dino. Vavar van i sasterne shellentsa pandlo, oun an o stilepen vitsedo.

1. Tessalonikarja 2:14

Mire phrala, t'mare menshe lan t'men palla. Yaake djas t'menge har kol patsle biboldenge an o them Youdea. Lengre menshe, i bibolde, lan len ninna palla.

Jesaja 51:7

Shounenn, hoy penau, t'mer, kay prindjrenn o čačepen, t'mer menshe, kay kamenn miro drom te djal. Ma darenn glan ko praasepen, koleha i menshe t'men praasenn! Ma darenn glan lengro baro mouy!

Debleskri gili 74:22

Ste pre, miro Devel, oun kre o čačepen vin! Dik ko praasepen, koleha tout kol dinele hako dives praasenna.

Hebrearja 13:13

Doleske djas pash leste vin glan o foro, te las o praasepen ap mende yaake, har yob o praasepen ap peste las!

Hebrearja 11:26

O Mose kamas feteder, te lell lo ko praasepen ap peste, hoy ninna o Yezous Kristo ap peste las, har te lell lo o tselo bravlepen an o them Egiptia. Leske his o bravlepen an o bolepen boudeder moldo.

2. Timoteo 1:8

Ma ladj tout, te rakress tou maro rayestar, o Yezousestar! Ma ladj tout mange, ninna te hom me kanna leske an o stilepen! Na-a, rake maro rayestar, ninna te venn douka ap toute, yaake har me lau douka ap mande, te vell o lačo lab o Yezousestar penlo. O Devel dell tout i zoor.

2. Korintarja 12:10

Doleske hom gar bibarhtelo, te hi man kek zoor, te lau dava, te vell pharo koova ap mande, te lenn yon man palla, te vell i traash ap mande. Kova lau o Yezous Kristeske ap mande. Me djinau, te hi man kek zoor, palle dell man o Yezous Kristo zoor.

Zakarie 3:8

Shoun kanna, Yeshoua, tou baro rashay: Tou oun tire phrala, kay glan toute beshdo hi, t'mer han i sikepen, hoy o baro Devel kamell te krell an o tsiro, hoy vella: Me bičrau miro boudepaskres, kay kharell nevo rouk.

Nahum 3:6

Me vitsrau čik ap toute oun praasau tout, oun sikrau halauterenge tiri ladj.

Debleskri gili 89:51

Ma biste koy ladj, hoy hi ap mande, tiro boudepaskro! Dik, har hidjrau ko tselo praasepen kolendar, kay tout gar prindjrenna.

Debleskri gili 79:12

Kolla, kay an i themma troul mende djivenn, praasan tout, maro rayes. De len kova efta kope pale, hoy kran le ap toute!

Debleskri gili 71:7

Ninna te patsenn boud, kay praasal tou man, hal tou mange har i zorelo kheer, kay nay khatrau man.

Debleskri gili 69:9

Vom har i gadjo mire phralenge. I čave miri datar prindjrenn man bouder gar.

Hebrearja 12:4

Me djinau, t'mer kamenn gar, te vell o čilačepen o ray pral t'mende. Ninna te vas t'menge pharo, te penenn na-a ap o čilačepen, meran doleske gomme gar.