Hebrearja 10:29 - O Debleskro Lab 2024 (Sinte-Manouche)

²⁹ Te his kova yaake koleha, kay kras gar, hoy o Mose penas, kitse zorleder vell o Debleskri rholi pral koleste, kay o Debleskro čaves pestar stakrella, oun krella, har te vals o Yezous Kristeskro rat či moldo. Oun kava rat lals peskri doosh krik, oun krals les erligo glan o Debleste. O Debleskro Dourho his leske lačes, oun yob doukras les.

O Debleskro Drom 2021 (Sinte)

²⁹ Te his kowa jaake koleha, kai kras gar, hoi o Mose penas, kitse sorleder well o Debleskri choli pral koleste, kai o Debleskro tchawes pestar stakrella, un krella, har te wals o Jesus Kristeskro rat tchi moldo. Un kau rat lals peskri doosh krik, un krals les erligo glan o Debleste. O Debleskro Ducho his leske latches, un job dukras les.

Hebrearja 10:29 Referans Kwoze

Efesarja 4:30

Te krenn t'mer i čilačo koova, palle doukrenn o Debleskro Dourho an t'mare djia. O Devel das les t'mende, te sikrell lo, kay leskro han ap ko dives, kay lell lo t'men dran o tselo čilačepen vin.

Jesaja 63:10

Ninna te his lo lenge yaake lačes, kaman le gar ap leste te shounell, oun doukran les an leskro dji. Kote vas lo rhoyedo ap lende, oun kouras pes lentsa.

1. Korintarja 11:27

Koon rhal ko maro, oun piyell dran o rayeskro khoro yaake, te vell maro ray gar sharedo, kova anell doosh ap peste. Yob kras har te vals o Yezouseskro mass oun rat či moldo.

Louka 12:10

Koon djoungele laba pral o Menshengro Čaveste penella, koleske nay bistrell o Devel kol laba, hoy yob penas. Koon praasell o Debleskro Dourhes, koleske nay bistrell o Devel kol laba gar, hoy yob penas.

Hebrearja 2:3

Mer te djah gar ap o nevo drom, kay lah o djipen, hoy gar pre-herella, palle vella o Debleskri rholi pral mende. Kava nevo drom sikras men maro ray Yezous. Oun leskre laba hi o čačepen. Kolla, kay les shounan, penan les menge.

Bičepangre 7:51

Oun o Stefano penas doureder ap lende: “T'mer kamenn či te hayvell. T'maro dji hi har bar. T'mare kandentsa shounenn či, oun kamenn gar ap o Debleskro Dourho te shounell. Yaake kran t'mare phoure. Yaake krenn ninna t'mer.

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.

Hebrearja 9:13

An o phouro tsiro čoras o rashay o bakrengro rat, oun o groumyengro rat, oun o yagakri čik i rhačedi groumyatar ap kolende, kay hi pale-čiddo glan o Debleste, te venn le pale erligo kerdo. Te hi o firheskro rat yaake zorelo,

1. Korintarja 11:29

Koon rhal ko maro, oun piyell dran ko khoro, oun leske hi či moldo, hoy o ray Yezous leske kras, kova anell doosh ap peste oun lell i phagi.

Hebrearja 6:4

Hi menshe koy, kolenge kras o Devel lengre djia pre, te hayvan le leskro bolepaskro lačepen. Oun o Debleskro Dourho boudras an lengre djia. Oun yon hayvan o Debleskro lačo lab oun leskri zoor an lengro djipen. Kolla te perenn o Debleskro dromestar tele, nay anell len kek pale ap o Debleskro drom. Kova, hoy yon krenna hi yaake, har te denn le penge o Yezous Kristes pale ap o troushel. Oun kol vavar san pral leste.

Hebrearja 2:11

O Yezous kras i patslen čačo oun erligo, oun anas len pash peskro dadeste. Kanna hi leskro dad ninna lengro dad. Doleske ladjell lo gar, te dell lo len “phrala” gole.

Johanni 17:19

Me dau tout miro tselo djipen. Kova krau lenge, te venn yon ninna tire an o čačepen.

Mateo 7:6

Ma vitsrenn gar o Debleskro bravlepen glan i djouklende, te djan yon gar ap t'mende pre! Ma vitsrenn gar i kouč barra glan i balende, te stakrenn le len gar i pirentsa khetne.

Zakarie 12:10

O Davideskre menshenge oun i menshenge an Yerusalem krau lengre djia pre, te venn le kamles yek ap o vavareste oun mangenn mandar lačepen. Oun yon dikenn ap koleste, kay dan le an i rig čourye. Oun yon denn gole i ropah pral leste, har yek pral peskro moulo čaveste gole dell, koles kek vavar čave hi, oun har rovenn i menshe pral pengro phoureder čavo, kay meras.

Hebrearja 13:20

O Devel kras i drom, te nay vah pash leste. Yob kras o Yezouses, maro rayes, i moulendar djido. Kova ratas peskro rat menge, te nay vah pash o Debleste, oun djivah hako tsiro leha khetne. O Yezous vas maro baro bakrengro. Kova dell yak ap mende, har i bakrengro dell yak ap peskre bakre.

Johanni 10:36

Man hi o dadeskro vast. Oun miro dad bičras man ap kay phoub. Me te penau, kay hom o Debleskro čavo, har nay penenna t'mer ap mande: Tou kreh, har te vess o Devel?

Micha 7:10

Kolla, kay rikrenn man tele oun poučenn mandar kay hi tiro baro Devel, yon hounte dikenn kova, oun hounte ladjenn. Oun mire yaka dikenn, har le khetne stakedo venna, har čik ap i drom.

Jesaja 14:19

Tou hal an i čik vitsedo, har i kotar kasht krik vitsedo hi. Tout hi kek mouleskro kheer, hal rido har kolla, kay van maredo o rhareha, hal vitsedo lentsa an i barrengri phoub oun khetne stakedo.

2. Rajengro liil 9:33

“Vitsrenn la tele”, penas yob. Koy vitsran le i Isebel tele. Oun lakro rat peras ap i massouri oun ap i grayende. Oun yob ouleras pral late.

Hebrearja 9:20

oun penas ap lende: Ko rat sikrell t'mende: T'mer han o Debleskre menshe, oun djivenn pal kol laba, hoy yob t'menge penas.

1. Korintarja 15:25

O Yezous Kristo hounte vell o ray yaake rah, bis te čivell o Devel lauteren, kay les gar kamenna, tel leskre pire.

Remarja 16:20

O Devel, kay dell t'men peskri barht an o dji, krell o bengeskri zoor paash. Oun ko tsiro vell sik. O lačepen maro rayestar, o Yezous Kristestar, djal t'mentsa!

Mateo 26:28

Kay mool hi miro rat, hoy me ratau boudenge, te lap lengri doosh lendar. Yaake krau i drom, kay o Devel oun i menshe mala venna.

Ropaskre gilja 1:15

O baro Devel stakras mire zorele kourepangren khetne, kay pash mande his; Yob moukas i marepaskro rhapen vin te kharell, te nay venn mare terne morsha maredo. Yaake har drake khetne stakedo venn, te vell i mool vin, stakras lo i menshen dran Youda khetne.

Jesaja 28:3

Peskre heryentsa stakrell lo ko pre-phourdo foro khetne, kay i mate dran Efrayim djivenn.

Debleskri gili 143:10

Sike mange, hoy touke shoukar hi, te krap me, tou hal miro Devel. Tiro lačo dourho mou sikrell man o čačo drom.

1. Korintarja 15:27

An o Debleskro lab hi činlo: Lauter čivas o Devel tel leskre pire. Ninna te hi kate penlo, kay hi o Yezous Kristo o ray pral lauterende, hi lo gar pral o Debleste tardo. O Devel hi kova, kay kras, kay hi o Yezous Kristo o ray pral lauterende.

Ezekiel 16:6

Kote djom me kote miro drom, kay tou čiddo hals. Oun me dikom tout, har tou ratles koy čiddo hals. Oun me penom ap toute: Tou ačess djido! Ava, ap toute penom: Tou djivess,

Jeremia 1:5

Me prindjrom tout, glan te krom tout an tiri dakro per, oun rodom tout vin, glan te val boldo, te vess miro rakepaskro i menshenge dran i tsele themma.

Debleskri gili 91:13

I leve oun i sapa nay doukrenn tout gar. Tou stakreh len lauter khetne.

2. Mose 24:8

Koy las o Mose o rat oun vitsras les ap i Israelitarya oun penas: “Dikenn, kava hi o rat, hoy sikrella, te vas o baro Devel t'maro Devel, oun t'mer van leskre menshe, kay rikrenn kal tsele laba, hoy yob t'menge penas.”

Daniel 8:13

Oun me shounom i bolepaskres te rakrell. Oun i vavar bolepaskro poučas lestar: “Har rah djal kova, hoy an kava dikepen diklo vas? Har rah vell o Debleske bouder gar kova dino, hoy leske hako dives hounte vals? Oun har rah vell o Debleskro kheer pale-čiddo kerdo, oun ap i bolepangre lourdende trouyel stakedo?”

Markus 7:2

Oun yon dikan, har mank leskre malende save hi, kay thovan gar pengre vasta glan o rhapen.

1. Korintarja 6:11

Hi menshe mank t'mende, kay kran savo koova. Kanna vas t'mari doosh tele thodo. Oun t'mer van erligo kerdo glan o Debleste, oun han čačo glan leskre yaka. Kova lauter kras maro ray, o Yezous Kristo, oun o Debleskro Dourho t'menge.

Efesarja 5:26

te venn le erligo oun djoudjo glan leste. Yob thovas lengri doosh lendar tele, har patsan le leskro lab, oun van leske an o pani thodo.

Hebrearja 4:14

Men hi i baro rashay. Kova hi o Yezous, o Debleskro čavo. Yob djas pash o Debleste an o bolepen, te mangell lo les menge. Doleske moukas mer gar tele, te rikras zoreles ap maro patsepen.

Hebrearja 10:10

Har o Yezous Kristo ap o troushel menge meras, kras lo kova, hoy o Devel kamas. Oun mari doosh las lo yek kopo hako tsireske mendar, oun yob kras men yaake djoudjo oun erligo glan o Debleste.

Debleskro tsiro 1:5

Lačepen oun barht t'menge! Kova dell t'men o Yezous Kristo! Yob sikrell i menshende o čačo drom pash o Debleste. Oun yob hi o glanstouno lauterendar, kay stenn i moulendar pre oun venn djido. Oun yob hi ninna o ray pral i tsele raya ap kay phoub! Yob kamell men o tselo djiyestar, oun las men dran mari doosh vin, oun playsras menge peskro rateha.