Hebrearja 10:26 - O Debleskro Lab 2024 (Sinte-Manouche)

²⁶ Te kamell yek ap i čilačo drom te djal, oun krell kova ninna, ninna te prindjrell lo o čačepen, koleske hi bouder kek koy, kay nay merals, te lell lo leskri doosh krik.

O Debleskro Drom 2021 (Sinte)

²⁶ Te kamell jek ap i tchilatcho drom te djal, un krell kowa ninna, ninna te prindjrell lo o tchatchepen, koleske hi buder kek koi, kai nai merals, te lell lo leskri doosh krik.

Hebrearja 10:26 Referans Kwoze

Johanni 9:41

Koy penas o Yezous ap lende: “Te hans korelo, vals t'men kek doosh. T'mer penenn: Mer dikah. Doleske ačell i doosh ap t'mende.”

Louka 12:47

Ko boudepaskro, kay djinella, hoy peskro ray lestar kamella, oun krell kova gar, kova lell boud dava.

Jakobo 4:17

Koon djinell o lačepen, oun krell les gar, kova anell doosh ap peste.

1. Johanni 5:16

Te dikeh tou, te kras i vavar patslo i čilačo koova, palle hounte mangess tou o Debles leske! Oun o Devel dell les o djipen. Della ninna i doosh, hoy anell an o merepen. Oun me penau gar, te mangess tou o Debles kolenge, kay koy doosh ap pende lan.

2. Tessalonikarja 2:10

Oun rhorhepah anell lo kolen ap o čilačo drom, kay djan nashedo. Kolla hi kol menshe, kay kaman gar o čačepen te shounell. Te patsans le o čačepen, nay vans le vin lino dran o čilačepen oun o merepen.

Johanni 13:17

T'mer djinenn kova kanna halauter. Te krenn t'mer kova, han barhtelo.

1. Timoteo 1:13

His i tsiro, kay rakrom djoungeles pral leste, oun lom i patslen palla, te marap len. An ko tsiro prindjrom les gar, oun djinom gar, hoy me krom. Yob kras mange peskro dji pre, oun las man dran o čilačepen vin.

5. Mose 17:12

Te hi yek koy, kay hi yaake pre-phourdo, te shounell lo gar ap o rashayeste, kay krell i boudi o baro Debleske, oder ap o čačepaskro morsheste, palle hounte vell ko morsh maredo. T'mer hounte lenn o čilačepen dran Israel vin.

3. Mose 4:2

Rake i Israelentsa oun pen lenge: Te kras yek čomone, hoy hounte krals lo gar, anas lo doosh ap peste, ninna te djinas yob gar, te penas o baro Devel: Ma kre kova!

3. Mose 4:13

Te kran i tsele Israelitarya čomone, hoy gar čačo his glan o Debleskre yaka, anan le doosh ap pende, ninna te djinan le gar, te penas o baro Devel, te krenn le kova gar.

1. Samuel 2:25

Te krell yek čilačepen ap i vavar mensheste, hi lo an o Debleskro vast. Te krell lo čilačepen ap o baro Debleste, koon nay rakrell leske mishto?” Yon shounan gar ap pengro dadeste. O baro Devel kras lengre djia pandlo. Yob kamas len te marell.

1. Timoteo 2:4

Yob kamella, te venn i tsele menshe ap leskro drom, oun te hayvenn le leskro čačepen.