Hebrearja 10:25 - O Debleskro Lab 2024 (Sinte-Manouche)

²⁵ Das yak, te ačas gar krik, te venn i patsle khetne. Hi save mashkral i patslende, kay venn bouder gar khetne. Kova hi gar mishto. T'mer dikenna, te hi o dives gar dour, kay vell o ray Yezous pale. Doleske djan kote, kay venn i patsle khetne, te krell yek o vavares zoreles an o dji.

O Debleskro Drom 2021 (Sinte)

²⁵ Das jak, te atchas gar krik, te wenn i patsle khetne. Hi sawe mashkral i patslende, kai wenn buder gar khetne. Kowa hi gar mishto. Tumer dikenna, te hi o diwes gar dur, kai well o rai Jesus pale. Doleske djan kote, kai wenn i patsle khetne, te krell jek o wawares soreles an o dji.

Hebrearja 10:25 Referans Kwoze

Bičepangre 2:42

Oun hako tsiro van le khetne oun shounan, hoy o Yezouseskre bičepangre lenge penan. Oun yon rhan o maro khetne, oun mangan o Debles an.

Mateo 18:20

Oun kote, kay douy, triin menshe khetne venna an miro lab, kote hom me mashkral lende.

1. Tessalonikarja 5:11

Dran kova, rakrenn kal laba yek ap o vavareste, te dell yek o vavares zoor, yaake har t'mer kova ninna krenna!

Hebrearja 3:13

Rakrenn hako dives khetne pral o patsepen, te ačenn pash o Debleste! Ko tsiro, kay rakrell o Devel ap t'mende hi kanna. Te shounenn t'mer gar ap o Debleste, nay vell i tsiro, kay shounenn t'mer bouder gar, te dell lo t'men gole.

Hebrearja 10:24

Das yak yek ap o vavareste, te kamell yek o vavares o djiyestar, oun te krell hakeno lačo koova!

1. Korintarja 5:4

Te han t'mer lauter khetne an o lab maro rayestar, o Yezousestar, oun me hom miro djiyeha pash t'mende, palle krenn kova yaake: An i zoor maro rayestar, o Yezousestar, denn ko morshes an o bengeskre vasta,

1. Tessalonikarja 4:18

Te dell yek o vavareste zoor kal labentsa!

Bičepangre 2:1

Ap i biboldengro baro dives, hoy kharella Fingsta his yon lauter an yek kheer khetne.

Bičepangre 20:7

Ap o kourko vam mer khetne, te phagas o maro. Oun o Paulo penas o Debleskro lab i menshenge. Oun o vavar dives kamas yob ap o shiffo doureder te oulerell. Doleske rakras yob yaake rah bis deesh-te-douyenge an i rati.

1. Korintarja 14:3

Kova, kay penell i menshenge i lab, hoy vella o Deblestar, kova rakrell yaake ap i menshende, te vell lengro patsepen zoreles, oun te venn lengre djia barhteles oun zoreles.

Remarja 12:8

Pale vavar hayvenn i patslen an o dji te rakrell, te krenn le len zoreles an lengro patsepen. Kolla hounte krenn kova. Pale vavar denn i čorvelende čomone. Koon kova krella, hounte krell les dran i lačo dji. Kote, kay i patsle khetne venna, hi ninna pralstoune pral lende. Kolla hounte krenn pengri boudi o tselo djiyestar. Vavar patsle rikrenn pen ap i rig kolendar, kay djal lenge gar mishto. Koon kova krella, hounte krell les i barhtelo djiyeha.

Filiparja 4:5

Sikrenn hakeneste t'maro lačepen! O ray Yezous vella an i tikno tsiro pale.

2. Petro 3:9

Hi menshe, kay penenna: “O ray Yezous lell pes boud tsiro, te vell lo pale.” Kova hi gar čačo. Les hi i baro dji t'menge, oun kamell, te djal kek t'mendar nashedo. Yob kamella, te moukell hakeno peskro čilačo drom oun vell ap o Debleskro drom.

Jakobo 5:8

Ninna t'mer, ma avenn khino an t'mare djia! Ačenn zoreles an o patsepen! Hi bouder gar rah, kay vell maro ray Yezous pale.

1. Korintarja 14:23

Dikenn, te vans i tsele patsle khetne, oun rakrans lauter an i vavar rakepen, oun koy vals yek, kay gar patslo hi oun kay prindjrell kova gar, penals kova: “Kalla hi lauter narvele!”

Judas 1:19

An lengro shero hi phoubyakro koova. Oun an lengro dji hi gar o Debleskro Dourho. Kolla anenn čingepen oun krenn, te rikrenn i patsle bouder gar khetne.

2. Petro 3:14

Lače phrala oun phenya, t'mer kamenna, te vell ko dives sik. Doleske krenn lauter, te vell či mank t'mende oun o Debleste tardo! Djivenn yaake, te hi t'men i djoudjo dji, oun te hatsell o Devel kek doosh ap t'mende ap ko dives, kay venna glan leste tardo!

1. Petro 4:7

Ko tsiro vella sik, kay či ačella, hoy kanna koy hi. Doleske denn garda, har t'mer djivenna, te rikrell t'men či pale, te rakrenn o Debleha!

2. Petro 3:11

Mer djinah, kay lauter yaake paash djala. Doleske hounte kras mer lauter, te ačas o Debleha, oun djivas yaake, har yob kamella.

1. Korintarja 11:20

Me shounom ninna, te venn t'mer khetne, palle rhan t'mer o Yezouseskro rhapen gar yaake, har maro ray Yezous kova kamella.

1. Korintarja 3:13

Vell ko dives, kay dikenn le, hoy hakeno pre čivas. Ap ko dives vell lauter an i yag. Oun koy yag sikrella, hoy haki boudi moldo hi.

Bičepangre 16:16

Yek dives, har mer djam pale pash o pani, kay yon mangan o Debles an, tapram mer i rakli, an kolate his i beng, kova das lat o dourkepen. Lakro dourkepah anas li lakre rayenge boud love dren.

Mateo 10:15

Čačepah, me penau t'menge: Ap ko dives, kay o Devel o čačepen pral i tsele menshende ap i phoub vi-rakrella, lenna kol menshe, kay lan t'men gar pre, i bareder phagi har kolla, kay djivan an i forya Sodom oun Gomorra.

Johanni 12:48

Koon lell man gar pre, oun kamell gar mire laba te shounell, kova lell peskri phagi. Kol laba, hoy me rakrom, denn les i phagi ap ko dives, kay o čačepen pral i tsele menshende vi-rakedo vella.

Hebrearja 10:37

An o Debleskro lab hi činlo: Ko tsiro vella sik, kay vell kova, kay hounte vella. Yob moukell pes gar ap o drom pale te rikrell. O Devel penas: Koon ap mande patsella, kova hi čačo glan mire yaka. Oun yob lell o djipen. Koon miro drom moukella, ap koleste dikau gar lačes.

Hebrearja 13:22

Mire phrala, me mangau t'men, shounenn ap kol laba, hoy me t'menge an kava tikno liil činom!