Hebrearja 10:24 - O Debleskro Lab 2024 (Sinte-Manouche)

²⁴ Das yak yek ap o vavareste, te kamell yek o vavares o djiyestar, oun te krell hakeno lačo koova!

O Debleskro Drom 2021 (Sinte)

²⁴ Das jak jek ap o wawareste, te kamell jek o wawares o djijestar, un te krell hakeno latcho koowa!

Hebrearja 10:24 Referans Kwoze

1. Tessalonikarja 5:11

Dran kova, rakrenn kal laba yek ap o vavareste, te dell yek o vavares zoor, yaake har t'mer kova ninna krenna!

1. Johanni 3:18

Mire čave, mer te kras gar bare laba te penah, kay kamah i menshen i djiyestar. Na-a, o čačo kamlepen dikenn le ap kova, hoy yek o vavareske krella.

Hebrearja 13:1

Moukenn gar tele, te kamenn i phralen oun i phenyen o tselo djiyestar!

Galatarja 5:13

Mire phrala, o Devel das t'men gole, te djivenn i djipen, kay han bouder gar pandlo ap čomone. Kal labentsa penau gar, te krenn t'mer nay, hoy kamenna, oun djivenn nay t'maro phouro djipen. Na-a, avenn yek o vavareske koy! Krenn kova dran o kamlepen!

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

Tito 3:8

Kava lab hi čačo. Doleske rake kova i patslenge an o dji, te rodenn le koy pal, har nay krenn le lačo koova. Kova hi mishto oun boud moldo hakeneske.

1. Timoteo 6:18

Pen kol bravelenge ninna, te krenn le lačo koova! Lengro dji te vell baro i vavarenge, te denn le ninna i vavaren dran pengro bravlepen!

Hebrearja 13:3

Ma bistrenn kolen, kay hi an o stilepen. Denn lende kova, hoy len hounte vell djipaske, yaake har te vans t'mer kolla, kay stildo hi! Avenn ninna kolenge koy, kay van palla lino oun lan dava. Avenn lenge yaake koy, har vans t'mer kolla, kay van palla lino oun lan dava.

Galatarja 6:1

Mire phrala, nay vell, kay krell yek t'mendar i čilačo koova. Anenn kol menshes pale ap o čačo drom! Rakrenn leha lačes! Yaake sikrenn t'mer, kay djivenn yaake, har o Debleskro Dourho kova kamella. Denn yak ap t'mende, te perenn t'mer gar ninna o Debleskro dromestar tele!

1. Korintarja 10:33

Me krau lauter, te djivap yaake, har hakeneske mishto hi oun rodau gar, hoy mange mishto hi. Me kamau kova te krell, hoy boudenge mishto hi, te djan yon gar nashedo.

Galatarja 5:6

O Yezous Kristeske molell či, te hi i morsh ap o mass činlo, vitar gar, te hi lo gar činlo. Kova, hoy hi boudeder moldo har lauter, hi o patsepen. Ko patsepen dikah mer ap o kamlepen, kay yekes hi i vavareske.

2. Korintarja 8:8

Kova mangau t'men. Me penau gar, te hounte krenn les. Te dikau, havo lačo koova i vavar patsle an o them Macedonia kran, yaake kamau te dikap, te vell t'maro kamlepen dran o dji.

Bičepangre 11:29

Koy penan kol patsle an o foro Antiochia: “Mer dah mare phralen an o them Youdea yaake boud love, har hakeno nay della.”

2. Tessalonikarja 3:9

Mer mangams nay t'mendar kova, hoy men hounte vals djipaske, oun kram kova gar. Mer kamam, te dikenn ap maro djipen, har te djivenn.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

2. Korintarja 9:2

Me djinau, t'mer kamenn o tselo djiyestar kol patslenge an o foro Yerusalem love khetne te čivell. Dran kova sharom t'men pash kolende an o them Macedonia oun penom: “Glan yek bersh lan kol phrala an o them Akaya love khetne.” Har yon kova shounan, kaman boud lendar yaake te krell, har t'mer kran.

Remarja 12:15

Avenn barhteles kolentsa, kay barhtelo hi! Rovenn kolentsa, kay rovenna!

Tito 2:4

I terne djouvyenge hounte penenn le, te kamell hakeni peskro romes oun pengre čaven o djiyestar,

1. Korintarja 9:22

Pash kolende, kay hi gar zoreles an o patsepen, djivau me yaake har yon djivenna. Kova krau me, te vell lengro patsepen ap o Yezouseste zoreles. Me vom lauterenge yaake har yon, te rodap i drom, te anap len pash o Yezous Kristeste.

1. Tessalonikarja 1:3

Hako tsiro, kay parkrah men pash leste, vell menge kova an o shero, hoy t'mer leske krenna an o patsepen oun an o kamlepen ap i menshende, oun har t'mer moukenn gar tele, te dikenn ap ko dives, kay vell maro ray, o Yezous Kristo, pale.

Remarja 11:4

Hoy penas o Devel leske? Yob penas: Efta zerya morsha ačan mange pral. Kolla čivan pen gar tele ap i čanga glan o Baal.

Debleskri gili 41:1

I gili o rayeske pral i gipangre. O David kras kay gili.

Gosewe laba 29:7

Kova, kay an o čačepen tardo hi, kova dell ninna yak, te lell o čorvelo peskro čačepen. I čilače djinenn gar, hoy čačo hi.

Hebrearja 3:13

Rakrenn hako dives khetne pral o patsepen, te ačenn pash o Debleste! Ko tsiro, kay rakrell o Devel ap t'mende hi kanna. Te shounenn t'mer gar ap o Debleste, nay vell i tsiro, kay shounenn t'mer bouder gar, te dell lo t'men gole.