Hebrearja 10:23 - O Debleskro Lab 2024 (Sinte-Manouche)

²³ Mer nay patsah o Debles, te krell lo kova, hoy yob penas. Yob rikrell peskro lab. Doleske rikras zoreles maro patsepen ap leste!

O Debleskro Drom 2021 (Sinte)

²³ Mer nai patsah o Debles, te krell lo kowa, hoi job penas. Job rikrell peskro lab. Doleske rikras soreles maro patsepen ap leste!

Hebrearja 10:23 Referans Kwoze

1. Tessalonikarja 5:24

O Devel das t'men pash peste gole, yob moukell t'men gar, oun krell kova, hoy yob penas.

1. Korintarja 1:9

Kova, hoy o Devel penella, kova rikrell yob ninna. O Devel das t'men gole, te venn hako tsiro peskro Čaveha, o Yezous Kristeha, khetne. Oun kova hi maro ray.

2. Tessalonikarja 3:3

Maro ray Yezous moukell t'men gar. Yob dell t'men zoor, oun dell garda ap t'mende, te vell kek čilačo koova ap t'mende.

Hebrearja 6:18

Ko lab, hoy das o Devel oun das peskro vast pre, nay vell an kek tsiro krik lino. O Devel rhorhella gar. Oun mer, kay vam pash leste, te lell lo men dran o čilačepen vin, men hi kanna leskro zorelo lab, te dell lo men o djipen, hoy gar pre-herella, yaake har yob penas.

Tito 1:2

Yon hounte djinenn, te lenn le o djipen, hoy gar pre-herella. Kova penas o Devel glan i rah tsiro. Oun yob rhorhella gar.

Hebrearja 3:6

O Yezous Kristo hi o Debleskro čavo. Oun an leskre vasta hi o Debleskre menshe, ap kolende yob mishto garda della. Kolla ham mer, te čivah maro tselo patsepen ap leste, oun dah gar pre bis te lah o raylo djipen pash leste.

1. Korintarja 10:13

Della savo koova, hoy kamell t'men o Debleskro dromestar tele te anell. Dikenn, savo koova vas ninna ap vavar menshende. Te vell pharo koova ap t'mende, dell o Devel t'men koy zoor, te nay hidjrenn kova. Yob hatsell i drom, te venn pale kote vin.

Debleskro tsiro 3:11

Me vau an i tikno tsiro pale. Rikrenn t'maro patsepen zoreles, te lell kek vavar ko shoukar koova t'mendar, hoy t'menge an o bolepen hi, oun hoy kolla lenna, kay dan pengro patsepen gar pre.

Jakobo 1:6

Tou te mangeh, hounte patsess, kay leh kova ninna. Te patseh tou kova gar, hal tou har i pani, kay phourdell i zorelo dourho pral oun tradell les kate te kote.

Hebrearja 11:11

Ninna o Abrahameskri romni, i Sara, patsas, te nay kras o Devel kova, hoy yob lenge penas. An lakro tselo djipen nay las li kek ternepen. Oun kanna, kay his li phouri, penas o Devel, te lell li i čaves. Yoy patsas les, oun las i zoor, te lell li i čaves.

Hebrearja 4:14

Men hi i baro rashay. Kova hi o Yezous, o Debleskro čavo. Yob djas pash o Debleste an o bolepen, te mangell lo les menge. Doleske moukas mer gar tele, te rikras zoreles ap maro patsepen.

Hebrearja 3:14

Te rikrah zoreles ap maro patsepen ap o Yezous Kristeste yaake rah, har djivah, palle ham čačepah leskre.

Debleskri gili 26:1

I gili o Davidestar. Baro Devel, de man miro čačepen! Kek doosh hi ap mande. Oun me patsau tout, mo baro Debles, oun perom gar toutar tele.

Ropaskre gilja 3:23

Haki tsalla hi menge leskro kamlepen oun lačepen neves koy. Kova hi yaake čačo, har o kham pre djal!

2. Korintarja 9:13

Koleske, hoy t'mer lenge lačes kran, sharenn le o Debles. Yon dikenn, kay shounenn t'mer ap o lačo lab o Yezous Kristestar, oun kay hi yon, ninna i tsele vavar patsle, t'menge phrala oun phenya.

Hebrearja 3:1

Mire patsle phrala, o Devel das t'men gole, te djivenn pash leste an o bolepen. Doleske dikenn ap o Yezouseste, kones o Devel bičras, te anell lo i menshen ap leskro drom. Les hi peskro dadeskro vast. Oun yob hi maro baro rashay. Ap leste patsah mer. Yob mangell o Debles menge.