Hebrearja 10:20 - O Debleskro Lab 2024 (Sinte-Manouche)

²⁰ Har o Yezous Kristo peskro djipen an o merepen das, his kova yaake, har te krals lo menge ko voudar dran kouč pesso than pre, hoy hi glan o Debleskri kouč isema. Yaake kras lo menge i nevo drom, hoy anell men an o djipen o Debleha.

O Debleskro Drom 2021 (Sinte)

²⁰ Har o Jesus Kristo peskro djipen an o merepen das, his kowa jaake, har te krals lo menge ko wudar dran kutch pesso than pre, hoi hi glan o Debleskri kutch isema. Jaake kras lo menge i newo drom, hoi anell men an o djipen o Debleha.

Hebrearja 10:20 Referans Kwoze

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Johanni 10:9

Me hom ko voudar. Te djal yek an kava voudar dren, kova djal gar nashedo. Yob djal dren oun vin, oun yob hatsell shoukar zenlepen rhapaske.

Hebrearja 9:8

Yaake sikrell men o Debleskro Dourho, kay kek nay djal an koy palstouni kouč isema, yaake rah, har hi koy glanstouni isema koy.

Hebrearja 6:19

Kava patsepen rikrell maro djipen, yaake har rikrell i zorelo saster i shiffo, te djal lo gar ap o pani nashedo. Oun kova, ap koleste patsah oun dikah, kova hi o Yezous. Yob djas glan mende pash o Debleste an o bolepen, yaake har djas o baro rashay an o phouro tsiro an o Debleskro kheer. Oun yaake vas o Yezous hako tsireske savo baro rashay, har glan i rah tsiro o Melkisedek his.

Johanni 10:7

Doleske penas o Yezous pale ap lende: “Čačepah, me penau t'menge: Me hom o voudar i bakrenge.

1. Johanni 4:2

Har nay djinah, te hi o Debleskro Dourho an yekeste? Hakeno, kay penell glan i menshende, kay o Yezous Kristo vas i mensho dran mass oun rat, koles hi o Debleskro Dourho.

1. Petro 3:18

Ninna o Yezous Kristo las yek kopo douka ap peste, har yob ap o troushel meras, oun mari doosh ap peste las. Yob his i lačo, oun meras i čilačenge. Kova kras lo, te anell lo len pash o Debleste. I menshe maran les. O Debleskro Dourho kras les djido.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Louka 23:45

Oun o voudar an o Debleskro baro kheer, kay his kerdo dran kouč pesso than, koya djas an douy kotya mashkral paash.

Markus 15:38

Oun ko voudar an o Debleskro baro kheer, hoy his kerdo dran kouč pesso than, kova djas paash an douy kotya foun pral bis tele.

Mateo 27:51

Oun ko voudar an o Debleskro baro kheer, hoy his kerdo dran kouč pesso than, kova djas paash an douy kotya foun pral bis tele. Oun i phoub vas trisslemen. Oun i bare barra phagan an kotya.

3. Mose 16:2

Pen tiro phraleske, o Aroneske, te djal lo gar hako tsireske an o kouč isema an o Debleskro kheer, te merell lo gar. An koy isema, hoy pal ko kotar than hi, sikrau me man an i folka pral ko sonakaskro pralstouno kotar, hoy ap o morhton čiddo hi, kay mire deesh laba dren hi.

2. Johanni 1:7

Boud rhorhene sikepangre nashenn ap i phoub trouyel, kay kamenn i patslen o čačo dromestar tele te anell. Yon penenna, kay vas o Yezous Kristo gar i mensho dran mass oun rat. Kol sikepangre venna gar o Deblestar. Yaake har yon rakrenna, yaake rakrell ninna ko rhorheno, kay hadell pes pral o Yezous Kristeste.

Efesarja 2:15

Har yob ap o troushel meras, čivas lo o Moseskre lila ap i rig, kay činlo hi, har i bibolde hounte djivenna. Yob kras čomone neves, te vell i biboldo khetne koleha, kay kek biboldo hi, oun te venn le lauter mala.

3. Mose 21:23

Pash ko voudar dran than, hoy glan koy kouč isema hi, nay djal lo gar, vitar gar pash o Debleskri rhačepaskri, te krell lo o Debleskro kheer gar pale-čiddo. Me hom o baro Devel, oun rodom kava kheer vin, te hi lo mange.

3. Mose 16:15

Palle marell yob koy morsh bouzni, te vell i doosh oun o pale-čiddo koova i menshendar Israel krik lino. Oun yob djal ko rateha pal i voudar dran than an i kouč isema, oun krell ko rateha yaake, har lo les ko rateha ko gouroumestar kras. Yob vitsrell peskro goushteha čomone ap o pralstouno kotar, hoy ap o morhton čiddo hi, oun ap koy platsa glan o morhton.