Haggai 1:6 - O Debleskro Lab 2024 (Sinte-Manouche)

⁶ T'mer boudrenna ap t'mari phoub, oun anenn gar boud dren. T'mer rhan oun venn gar čalo; t'mer piyenn oun t'mari troush ačella; t'mer rivenn t'men lačes an, oun t'menge vell gar tates. Oun kones love hi, kova čivell len an i possita, kay i rheb dren hi.

O Debleskro Drom 2021 (Sinte)

⁶ Tumer budrenna ap tumari phub, un anenn gar bud dren. Tumer chan un wenn gar tchalo; tumer pijenn un tumari trush atchella; tumer riwenn tumen latches an, un tumenge well gar tates. Un kones lowe hi, kowa tchiwell len an i possita, kai i cheb dren hi.

Haggai 1:6 Referans Kwoze

Haggai 1:9

T'mer kamenn boud, oun gar boud hi, hoy lenn t'mer. Oun te kamenn kova khere te anell, lau les t'mendar. Hoske kova? penell o baro Devel, ko ray pral o bolepen oun i phoub. Miro kheer hi paash dino oun čiddo an kotya. Oun hakeno t'mendar dikell kokres ap peskro kheer.

Hosea 4:10

T'mer moukan man, o baro Debles, te djan vavar deblenge palla. Doleske rhana oun venn gar čalo, djan boud djouvyentsa oun lenn gar boud čave.

Haggai 2:16

Te vas yek t'mendar kote, kay i djob čiddo hi, oun kamas douy-sheel kilogramme te lell, hatsas yob gar boudeder har yek sheel kilogramme. Te vas yek t'mendar kote, kay i mool garedo vell, oun kamas sheel litarya te lell, hatsas lo gar boudeder har star-deesh litarya.

Hosea 8:7

Kova, hoy le krenn, hi har te čivans le i dourho an i phoub oun kek djob. Oun hoy vin vell, hi i baro phourdepen. Kek djob vell baro. Kova hoy pre djal, anell kek yarro. Oun te anals kova yarro, vans vavar menshe oun rhans les pre.

Jesaja 5:10

Ap deesh hektarya drakengro them venn drake bares, hoy denn gar boudeder har orhta litarya mool. Oun sheel kilogramme djob, hoy vi-vitsedo van an i phoub, anenn gar boudeder har deesh kilogramme djob.

Zakarie 8:10

Bis kanna his kek love koy, te playsrenn le morshen pengre firhentsa lengri boudjake. Oun kolla, kay djan vin oun dren an o foro, hounte daran pengro djipaske. Hakeno djas ap o vavareste pre.

Zakarie 5:4

O baro Devel, ko ray pral o bolepen oun i phoub, penell, ko praasepen te vell pral o čorepaskro kheer oun an o kheer kolestar, kay dell pes i rhorheno sovel an o lab o baro Deblestar. Ko liil ačell an lengre khera, oun rhal len pre, ninna lengro kasht oun lengre barra.”

Jeremia 44:18

Har moukam tele, te rhačrell soungepaskro koova i bolepaskri rayetsake, oun čoram lake bouder kek mool vin, koy his men bouder gar doha rhapaske oun vam o rhareha oun i bokatar maredo.

Jeremia 14:4

I phoub hi trouk oun dell gole pal brishin. Doleske hi kol harhenge ropaske, oun khatrenn pengro mouy.

Debleskri gili 107:34

Yaake vas i phoub, kay boud djob oun zenlepen baro vas, i moulo londo them. Kova kras lo dran o čilačepen kol menshendar, kay kote djivenn.

Hiob 20:28

Leskro tselo bravlepen an leskro kheer vell krik lino – ap ko dives, kay vell o Debleskri rholi pral i čilačende har divye panya.

Hiob 20:22

An ko tsiro, kay les an lauter boudeder har doha hi, vell i daar pral leste. I phari bibarht dell les tele.

1. Rajengro liil 17:12

Kote penas li: “Pash o baro Debleste, tiro djido Debleste, man hi kek peklo rhapen. Či har i vast pherdo yarro an i piri oun i roy pherdo djet an o khoro hi man. Ake, yek, douy kotya kasht, hoy hadom pre. Kanna djau khere oun krau mange oun miro čaveske i rhapen, te rhas. Oun palle hounte meras.”

2. Samuel 21:1

An ko tsiro, kay o David djivas, vas i bari bok pral o them, oun i menshen his triin bersh či te rhal. Oun o David poučas o baro Deblestar, hoske kova yaake hi. Oun o baro Devel penas: “Ap o Saul oun ap leskro kheer hi i rateskri doosh čiddo, doleske, kay o Saul das kol Gibeonaryen moulo.”

3. Mose 26:26

T'men vell bouder gar doha djob, te pekenn maro. Deesh djouvya nay pekenn pengro maro an yek bob. O maro vell ap i vaga čiddo, oun hakeno lell i kotar. Oun t'mer rhan oun venn gar čalo.

3. Mose 26:20

T'mari phari boudi hi čičeske. Ap t'mari harhetikri phoub vell či bares. Oun i rouka an o them hidjrenn kek roukengre.

Nehemia 5:2

His save koy, kay penan: “Mer oun mare čave oun ča ham boud! Mer hounte ginas djob, te hi men rhapaske yaake te nay djivas!”

Jeremia 12:13

Mire menshe čivan djob an i phoub, oun soubyengro zenlepen lan le khetne. Yon maran pen tele, oun lan či dran lengri phari boudi. Lauter his čičeske! His koy bari rholi o baro Deblestar, hoy kras lauter paash.

Haggai 1:5

Doleske penell o baro Devel, ko ray pral o bolepen oun i phoub: Denn garda har t'menge djala:

Haggai 1:7

Kava penell o baro Devel, ko ray pral o bolepen oun i phoub: Hayvenn, hoske t'menge yaake djala!

Haggai 1:10

Doleske vell dran o bolepen kek pani, oun dran i phoub vell kek zenlepen.

Haggai 2:17

Me rikrom o brishin pale, t'maro djob meras tele, brishineskre barra moukom ap t'mari harhetikri phoub te perell. Pal ko tselo koova van t'mer gar pale pash mande, oun mangan t'men gar tele pash mande.

5. Mose 28:17

Bibarht vell ap t'maro djob, te vell t'men gar doha maro te rhal.

Gosewe laba 11:24

Kote hi yek, kova dell oun dell; oun yob lell boudeder oun boudeder. Oun kote hi i vavar, kova hi činlo oun dell či; oun vell čorvleder.