Habakuk 3:18 - O Debleskro Lab 2024 (Sinte-Manouche)

¹⁸ Miro dji hi barhtelo pral o baro Debleste, Miro dji givell oun djinell: Miro Devel lell man vin dran o merepen.

O Debleskro Drom 2021 (Sinte)

¹⁸ Miro dji hi bachtelo pral o baro Debleste, Miro dji giwell un djinell: Miro Dewel lell man win dran o merepen.

Habakuk 3:18 Referans Kwoze

Hiob 13:15

Mou marell lo man, man hi či te nashrell. Me djom čače dromma; oun kova kamau me leske an o mouy te penell.

Filiparja 4:4

Avenn barhtelo hako tsiro! T'mari barht vell o Yezousestar, maro rayestar. Ava, avenn barhtelo!

Micha 7:7

Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

Debleskri gili 25:5

Sike mande, har te djivap miro djipen an tiro čačepen! Tou hal miro Devel, kay rikrell man! Hako dives dikau ap toute.

1. Petro 1:8

Koles kamenn t'mer o djiyestar, ninna te dikan les gar. Ap leste patsenn t'mer, ninna te dikenn les kanna nay gar. T'maro patsepen anell t'men pash o Debleste an o bolepen. Kote hi t'mari barht yaake baro, hoy i labentsa nay gar penenna.

Debleskri gili 27:1

I gili o Davidestar. O baro Devel hi mange i momeli, oun yob hi kova, hoy man vin lella dran i vasta čilače menshendar. Kekestar hounte darap man. O baro Devel rikrell man an o djipen. Kekestar hounte trashap me.

1. Samuel 2:1

Oun i Hanna parkras pes pash o Debleste oun penas: Miro dji hi barhtelo an o baro Debleste. Yob hadas man pre oun kras man zoreles. Kanna nay sau pral kolende, kay man tiknes kran. Tou, miro Devel, val ap miri rig. Doleske hom barhtelo.

2. Mose 15:2

Peskri zoryah vas o baro Devel ap miri rig. Miri gilyah sharau les dran o dji. Yob las man vin. Miro Devel hi lo, oun me kamau les te sharell. Miro dadeskro Devel hi lo, oun me kamau les pre te hadell.

Debleskri gili 97:12

Avenn barhtelo pral o baro Debleste, t'mer, kay an o čačepen tardo han! Oun parkrenn t'men pash leste, kay kokres o čačo Devel hi!

Jakobo 1:2

Mire phrala, te vell pharo koova ap t'mende, palle dikenn koy pre, har te vell kova i barht t'menge.

Louka 2:30

Me dikom koles, kay tou bičral, te lell lo i menshen dran o čilačepen vin.

Jesaja 41:16

Tou vitsreh len pre, oun i dourho hidjrell len krik, oun i phourdepen phourdell len kate te kote. Palle veh barhtelo pral tiro baro Debleste, oun shareh tout tiro Debleha, kay o Israeleskro čačo Devel hi.

Debleskri gili 85:6

Kameh i tsele tsirya ap mende rhoyedo te ačell? Moukeh tou bouder gar tiri rholyatar tele?

Debleskri gili 33:1

T'mer, kay an o čačepen tardo han, denn gole i barhtyatar pral kova, hoy o baro Devel krell. Hi mishto, te sharenn les, t'mer, kay t'maro tselo djiyeha ap leste shounenn!

Debleskri gili 149:2

Tou Israel, tiro dji mou bashrell pral koleste, kay kras tout. T'mer menshe dran Sion, givenn i barhtyatar pral t'maro baro rayeste.

Debleskri gili 104:34

Mou vell miri gili leske shoukar! Me hom barhtelo pral miro baro Debleste.

Zakarie 10:7

Oun i morsha dran o kheer Efrayim hi palle zorelo har bare kourepangre, oun barhtelo har kolla, kay piyan mool. Lengre čave dikenn kova oun denn gole i barhtyatar. Lengro dji givell dran kova, hoy o baro Devel kras.

5. Mose 12:18

Kova vell anlo glan t'maro baro Debleste ap koy platsa, hoy yob peske vin rodell. Kote rhan t'mer les, t'mer oun t'mare čave oun ča, oun t'mare boudepangre, morsha har djouvya, oun i Levitarya, kay pash t'mende djivenn. Avenn barhtelo glan t'maro Debleste pral halauter, hoy t'mare vastentsa khetne lan.

2. Mose 15:1

An kova tsiro givas o Mose oun i Israelitarya kaya gili, oun yon penan: Me kamau te givap i gili o baro Debleske. Baro oun zorelo hi lo! Graya oun morsha vitsras lo an o baro pani.

Joel 2:23

Oun t'mer menshe dran o foro Sion, avenn barhtelo, oun givenn pral kova, hoy kras o baro Devel. Yob hi t'maro Devel, oun dell t'men doha brishin ap o čačo tsiro, har lo kras glan kova,

2. Samuel 6:15

O David oun i tsele menshe dran Israel anan o baro Debleskro morhton pral an o foro Yerusalem, oun dan gole i barhtyatar oun bashran ap i phourdepangre.

Jesaja 25:9

Ap ko dives penell hakeno: Dik, kova hi maro Devel! Ap koleste rikram men, te vell lo ap mari rig. Yob hi maro baro Devel, ap koleste men rikram! Givas i barhtyatar: Yob las men vin dran o merepen.