Habakuk 3:16 - O Debleskro Lab 2024 (Sinte-Manouche)

¹⁶ Har sikras man o Devel kova lauter, trissom me. Har shounom leskro rakepen, trissas miro mouy. I traash djas mange an i kokale, oun nashte homs bouder gar ap mire herya tardo. Me kamau ap ko dives te dikell, kay vell koy bibarht pral kol menshende, kay djan ap mende pre.

O Debleskro Drom 2021 (Sinte)

¹⁶ Har sikras man o Dewel kowa lauter, trissom me. Har shunom leskro rakepen, trissas miro mui. I traash djas mange an i kokale, un nashte homs buder gar ap mire herja tardo. Me kamau ap ko diwes te dikell, kai well koi bibacht pral kol menshende, kai djan ap mende pre.

Habakuk 3:16 Referans Kwoze

Jeremia 23:9

Kova penas o Yeremia ap kol rakepangre, kay hounte rakrans o Debleskre laba, oun krenn kova gar: Miro dji kamell te phagell an mande. Mire tsele kokale trissenn. O baro Devel rakras mantsa. Oun leskre laba, hoy lo penas, kran, te nay rikrau man bouder gar ap i herya. Me vom har mato har yek kay hi mato i molyatar.

Habakuk 3:2

Baro Devel, me shounom, hoy tou lauter kral, Har baro hal tou, baro Devel! Kre savo koova pale an maro tsiro, savo baro koova, mouk les men ninna te dikell an maro tsiro! An tiri rholi biste gar tiro kamlepen!

Daniel 10:8

Oun me ačom kokres koy, oun dikom ko baro dikepen. Oun i tseli zoor an mande djas krik; miro mouy vas parno, oun kek zoor his bouder an mande.

Debleskri gili 119:120

Toutar darau yaake, te trissau. Tou deh i phagi kolen, kay shounan gar ap toute.

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

Daniel 8:27

Oun man, o Danieles, his bouder kek zoor, oun me homs divessa nasselo. Oun pal kova stom pale pre, oun krom miri boudi pash o baro rayeste. Oun ko dikepen, hoy dikom, kras mange daar oun nay hayvom les gar.

Ezekiel 3:14

Oun o dourho hadas man pre oun las man krik. Oun an mande his i bari rholi. Kova, hoy o baro Devel mande sikras, his phares čiddo ap mande.

Louka 21:19

Ačenn zoreles an o patsepen, oun t'mer lenn ko čačo djipen!”

Hiob 30:17

Rati dell i douk čourye an mire kokale. oun koy douk, hoy man rhal, sovell gar.

Hiob 30:30

Miri hauta vas kalo ap mande, oun perell mandar tele. Oun o fibro rhačell an mire kokale.

Gosewe laba 12:4

I romni, kay peskri boudi mishto krell, hi peskro romeske har shereskro sonakay. I romni, kay anell ladj ap peskro romeste, hi har i djoungelo nasslepen an leskre kokale.

Gosewe laba 14:30

Shoukapen an o dji krell o tselo menshes sasto. I dji, hoy zilverell, hi har i nasslepen, hoy i kokale pre rhal.

Jeremia 4:19

Har doukell man kova, havi daar hi an mande! Miro dji djal zoreles an miro beč, me nay ačau gar pokones; me shounau koy phourdepaskri, oun ko kourepaskri gole.

Jeremia 5:15

Pen kol menshenge an Israel: Me anau menshen foun doural pash t'mende, penell o baro Devel, menshe, kolengro rakepen, oun hoy yon penenna, hayvenn t'mer gar. I phouri natsyona hi le. Oun len hi bari zoor.

Ropaskre gilja 1:13

Yob bičras i yag dran o bolepen an mire kokale, hoy an mande rhačell. Yob čivas i netsa vin, te taprenn pen mire pire dren, oun moukas man ap o doumo te perell. Yob moukas man kokres čiddo. O tselo tsiro hom nasselo.

Jesaja 21:3

Hoy shounom, hi yaake djoungelo, kay phagau khetne. Hoy dikom, krell man bari traash. Mire kokale trissenna, douka tapran man har i djouvyat, kay lell i ternepen.

Jeremia 30:7

Ava, havo djoungelo dives vella, i dives, hoy hi har kek vavar! Ko tsiro hi pherdi daar o Yakobeskre čavenge; yon nay djinenn, te venn le vin lino dran kova lauter.

Ropaskre gilja 1:20

Ah, baro Devel, dik, har boud traash man hi, har i douk an mande rhačella! Miro dji rissrell pes an mande! Hoske shounom gar ap toute? Glan o kheer tapras o rharo mire čaven, oun an o kheer meran le dran i djoungelo nasslepen.

Daniel 10:9

Oun me shounom i laba, hoy yob rakras. Oun har shounom len, perom har moulo ap miro mouy ap i phoub.