Habakuk 1:15 - O Debleskro Lab 2024 (Sinte-Manouche)

¹⁵ kolen yon vin tserdenn pengre ranyentsa oun pengre mačengre gonentsa, oun khetne čivenn an pengre netse. Palle sal lengro dji, oun yon denn gole i barhtyatar.

O Debleskro Drom 2021 (Sinte)

¹⁵ kolen jon win tserdenn pengre ranjentsa un pengre matchengre gonentsa, un khetne tchiwenn an pengre netse. Palle sal lengro dji, un jon denn gole i bachtjatar.

Habakuk 1:15 Referans Kwoze

Amos 4:2

O baro Devel, maro ray, das pes sovel pash peskro lab: O tsiro vella, kay taprenn le t'men yaake har mače tapedo venn i ranyentsa. Hakeno t'mendar hi har i mačo ap i raan.

Jeremia 16:16

Me kamau boud mačepangren vin bičrell. Kolla hounte mačrenn len. Pal kova bičrau boud yegaryen vin, te taprenn yon len, kay yon ninna hi: ap haki bari oun tikni berga, oun mank kol bare barra, kay khatran le pen.

Debleskri gili 10:9

Čorrhanes khatedo har i levo an i bourra, yaake lourell yob ap o čorveleste, oun taprell les an peskri netsa oun tserdell les krik.

Debleskro tsiro 11:10

I menshe ap i phoub hi barhtelo, oun givenna oun khelenna. Oun yek bičrell o vavareske shoukar koova. Yaake barhtelo hi le, te hi kol douy Debleskre rakepangre moulo, kay doukran kolen, kay ap i phoub djivenna.

Mateo 17:27

Ninna te hi kova yaake, kamah gar, te venn le rhoyedo ap mende. Doleske dja pash o baro pani, oun vitse i raan an o pani! Ko mačo, hoy tou tapreh, koleske kre o mouy pre! Oun tou hatseh an leskro mouy i roupeni bema. Le koy roupeni bema, oun de koy bema kolende, kay len kol love dren! Kova hi doha mange oun touke.”

Ezekiel 35:15

Tou hals barhtelo, har vas o Israelengro them i moulo them. Doleske krau, te djal touke yaake har lenge djas. I berga Seir khetne o tselo them Edom vell i moulo them. Palle dikenn oun hayvenn i menshe, te hom me o baro Devel.

Ezekiel 26:2

Tou, mensho, kol menshe dran o foro Tirus san oun penenn pral o foro Yerusalem: Tele phagedo hi ko foro, kolestar boud parepangre vin djan an vavar themma parepaske. Kanna ham mer kolla, kay venn bravelo. O forestar Yerusalem ačas či har barra pral!

Ezekiel 25:6

Kava penell o baro Devel, maro ray: T'mer hans čilačo ap o them Israel oun san, har dikan, har lenge djal, oun dan an i vasta oun stan i barhtyatar.

Jeremia 50:11

Ninna te han barhtelo oun sharenn t'men, kay randan miro them vin, oun stenn har o terne groumya an o zenlepen, oun denn gole har i zorele graya,

Jesaja 19:8

Oun i mačepangre denn gole oun i vasta khetne pral o shero. Oun lauterenge, kay pengri raan oun netse an o pani vitsran, lenge hi ropaske.

Mateo 13:19

Ko djob, hoy peras ap o drom, sikrell t'mende yekes, kay shounas ko lab, te dell les o Devel pash peste gole. Oun yob hayvas ko lab gar. Oun o beng vas, oun las ko lab dran leskro dji vin.

Jeremia 5:26

O baro Devel penella: Mashkral mire menshende hi čilače menshe, kay lourenn ap vavarende, te taprenn le len, har kolla, kay tapenn i čirklen dren,

Habakuk 1:14

Tou kral, te djan le i menshentsa trouyel, har te vans le mače an o baro pani, oun kirme, kolen kek ray hi,

Habakuk 2:5

O bravlepen rhorhell o menshes. O pre-phourdo mensho ačella gar, ninna te krell lo peskro mouy dour pre, har ko moulengro them, hoy vell gar čalo, ninna te lell lo yek them pal o vavar peske dren.