Gosewe laba 8:10 - O Debleskro Lab 2024 (Sinte-Manouche)

¹⁰ Moukenn t'men mandar te penell, har te djivenn! Kova hi t'menge feteder har te nashenn o roup palla! Rodenn, har te djinenn boudeder. Kova hi t'menge feteder har kouč sonakay.

O Debleskro Drom 2021 (Sinte)

¹⁰ Mukenn tumen mandar te penell, har te djiwenn! Kowa hi tumenge feteder har te nashenn o rup palla! Rodenn, har te djinenn budeder. Kowa hi tumenge feteder har kutch sonakai.

Gosewe laba 8:10 Referans Kwoze

Debleskri gili 119:127

Me kamau tire laba boudeder har o sonakay, ava, boudeder har o lačeder sonakay.

Debleskri gili 119:72

Tiro drom kamau me boudeder har boud zerya kotya sonakay oun roup.

Gosewe laba 23:23

Mouk touke o čačepen oun o gosvepen boud moldo te vell! Mouk touke hako tsiro čomone te penell, te hayvess lauter mishto.

Sikepaskro 7:11

O gosvepen hi yaake mishto har i bravlepen, hoy o dad peskro čaveske moukas. Hakeneske ap kay phoub hi o gosvepen boud moldo.

Gosewe laba 10:20

O rakepen kolestar, kay an o čačepen tardo hi, hi har kouč roup. Kova, hoy i čilačes an o shero hi, hi či moldo.

Bičepangre 3:6

O Petro penas: “Rup oun sonakay hi man gar. Hoy man hi, dau me tout. An o lab o Yezous Kristestar dran Nazaret penau me touke: Ste pre oun dja trouyel!”

Gosewe laba 16:16

Hi boudeder moldo te less gosvepen har te less sonakay. Te hayveh, hoy mishto oun gar mishto hi, hi kova touke feteder har roup.

Debleskri gili 119:162

Pral tiro lab hom yaake barhtelo har yek, kay las boud bravlepen.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

Gosewe laba 8:19

Hoy t'mer mandar lenn, hi feteder har o lačeder sonakay, koučeder har o lačeder roup.

Hiob 28:15

I menshe nay ginenn gar o gosvepen, nay denn kek roup vitar kek sonakay, te playsrenn le leske.

Hiob 28:17

O sonakay oun kouč glaso hi gar yaake kouč har o gosvepen. Vitar kek shoukar sonakangre čare nay dell yek, te lell lo o gosvepen.

Gosewe laba 20:15

Dell sonakay oun boud kouč barra. I koučeder koova hi i mouy, hoy rakrell, hoy mishto oun čačo hi.