Gosewe laba 6:6 - O Debleskro Lab 2024 (Sinte-Manouche)

⁶ Tou či-moldo, kay kameh gar te boudrell, touke penau: Dja pash i kiri, dik havi boudi yoy krell! Oun ab gosevo!

O Debleskro Drom 2021 (Sinte)

⁶ Tu tchi-moldo, kai kameh gar te budrell, tuke penau: Dja pash i kiri, dik hawi budi joi krell! Un ab gosewo!

Gosewe laba 6:6 Referans Kwoze

Gosewe laba 20:4

Ko či-moldo, kay kamell gar ap peskri phoub te boudrell an o čačo tsiro, kova hatsell či an ko tsiro, kay o djob dren anlo vell.

Gosewe laba 18:9

I či-moldo, kay kamell gar te boudrell, hi gar feteder har kova, kay marepen oun merepen anell.

Gosewe laba 6:9

Tou či-moldo, kay kameh gar te boudrell, har rah kameh gomme čiddo te ačell? Kaana kameh tou pre te stell?

Hebrearja 6:12

Ma avenn khino, te krenn o Debleskri boudi! Avenn yaake har kolla, kay ačan zoreles an o patsepen, oun lan kova, hoy o Devel lenge penas.

Gosewe laba 13:4

Kova, hoy yek kamell, kay kamell gar te boudrell, vell les gar. Kolenge, kay boud boudrenn, hi doha koy.

Mateo 25:26

Penas peskro ray ap leste: I čilačo boudepaskro hal tou. Tou kral tiri boudi gar mishto. Tou djinal, te lap mange o djob, hoy me gar an i phoub čivom, oun lap mange kote khetne, kay boudrom gar.

Gosewe laba 30:25

I kirya: Ninna te hi len kek zoor, anenn le pengro rhapen khetne an i niyal.

Remarja 12:11

Ma avenn khino! Krenn t'mari boudi i tseli zoryah! Halauter, hoy t'mer krenna, krenn o Yezouseske, maro rayeske!

Gosewe laba 21:25

Kol či-molde, kay kamenn gar te boudrell, merenna i bokatar.

Gosewe laba 19:15

Kova, kay kamell gar te boudrell, vell khino. Moukell lo peskre vasta an i gali čiddo, vell ko tsiro, kay hounte bokell lo.

Gosewe laba 22:13

Ko či-moldo, kay kamell gar te boudrell, penell: I levo hi vin ap o drom, kay nay rhals man.

Gosewe laba 10:26

Har shout i dandenge, oun yagakro dourho i yakenge, yaake hi o či-moldo, kay kamell gar te boudrell, kolenge, kay les ap i boudi bičran.

Gosewe laba 19:24

I či-moldo, kay kamell či te krell, čivell peskro roy an o čaro, oun anell peskro vast gar pash o mouy.

Mateo 6:26

Dikenn ap i čirkle! Yon vitsrenn kek djob an i phoub, te vell lo baro. Vitar gar anenn le o baro djob dren, te čivenn le les an o djobeskro kheer. T'maro dad an o bolepen dell len te rhal. T'mer han boudeder moldo har yon.

Gosewe laba 15:19

O drom kolendar, kay kamenn gar te boudrell, hi pherdo soubyengre bourra. Kolenge, kay o čačepen krenn, hi kek barra an o drom čiddo.

Gosewe laba 1:17

Čičeske vell i netsa glan i čirkle pre-pandlo. Yon dikenn lat oun djan gar dren.

Jesaja 1:3

Haki groumni prindjrell koles, koneske yoy hi. Oun haki bourika djinell koy platsa, kay lakro ray dell lat te rhal. O Israel prindjrell kova gar. Mire menshe hayvenn kova gar.

Gosewe laba 23:19

Shoun, miro čavo oun ab gosevo, oun dja o djiyestar o čačo drom!

Gosewe laba 30:24

Star firhe hi i tikneder ap kay phoub, oun hi gosveder har i goseve menshe:

Jeremia 8:7

O storko tel o bolepen djinell peskro tsiro, oun kol vavar čirkle rikrenn o tsiro dren, kay venn le pale.

Gosewe laba 10:4

Koon peskre vasta an i gali čiddo moukell, kova vell čorvelo. Koon boud boudrell, kova vell bravelo.