Gosewe laba 6:18 - O Debleskro Lab 2024 (Sinte-Manouche)

¹⁸ i dji, hoy čilačo koova peske glan lell; herya, hoy sik čilačo koova palla nashenn;

O Debleskro Drom 2021 (Sinte)

¹⁸ i dji, hoi tchilatcho koowa peske glan lell; herja, hoi sik tchilatcho koowa palla nashenn;

Gosewe laba 6:18 Referans Kwoze

1. Mose 6:5

O baro Devel dikas, kay o menshengro čilačepen baro hi ap i phoub. Halauter, hoy len an lengre djia hi, his čilačo o tselo dives.

Gosewe laba 1:16

Yon denn an i herya, te krenn le čilačepen. Sik nashenn le, te marenn le menshen.

Remarja 3:15

Yon hi sik, te marenn le.

Jeremia 4:14

Yerusalem, te kameh vin lino te vell, palle thob tiro čilačepen tiro djiyestar tele! Har rah kameh tou ko čilačepen an tiro shero te rikrell?

Jesaja 59:7

T'mare herya nashenna pal o čilačepen, oun hi sik, te moukenn le kolen te ratell, kay kek čilačepen kran. Kova, hoy moukenn t'menge an o shero te djal, hi har nay rhorhenn oun doukrenn i vavaren. Ap t'mare dromma ačell phagedo djipen pale.

Zakarie 8:17

Kek te lell pes čilačepen glan, te anell lo ap o vavareste. Ma denn t'men i rhorheni sovel! Kova lauter hi djoungeles an mire yaka”, penell o baro Devel.

Micha 2:1

Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.

Gosewe laba 24:8

Kova, kay peske glan lell te krell lo čilačo koova, koles denn le čilačo bedo gole.

Debleskri gili 36:4

Či har midjak oun rhorhene laba venn dran leskro mouy vin. Lačo koova hayvell lo bouder gar te krell.

Gosewe laba 24:2

Lengre djia lenn penge savo koova pherdo marepen glan, oun hoy le rakrenn, anell bibarht.

Gosewe laba 15:26

O baro Devel dikell rhoyedes ap ko midjak koova, hoy lell pes i čilačo glan. Lačes dikell lo ap koleste, kay rakrell lače laba.