Gosewe laba 6:14 - O Debleskro Lab 2024 (Sinte-Manouche)

¹⁴ An peskro dji hidjrell lo čilačepen, oun hako tsiro anell lo čingepen.

O Debleskro Drom 2021 (Sinte)

¹⁴ An peskro dji hidjrell lo tchilatchepen, un hako tsiro anell lo tchingepen.

Gosewe laba 6:14 Referans Kwoze

Micha 2:1

Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.

Remarja 16:17

Mire phrala, me mangau t'men, denn yak, te shounenn t'mer gar ap kolende, kay anenn čingepen mank i patslende oun sikrenn o Debleskro drom vavarčandes har kova, hoy t'mende siklo vas, oun krenn t'maro patsepen paash! Rikrenn t'men lendar pale!

Hosea 8:7

Kova, hoy le krenn, hi har te čivans le i dourho an i phoub oun kek djob. Oun hoy vin vell, hi i baro phourdepen. Kek djob vell baro. Kova hoy pre djal, anell kek yarro. Oun te anals kova yarro, vans vavar menshe oun rhans les pre.

Ezekiel 11:2

Oun o baro Devel penas ap mande: Tou, mensho, kalla hi kol morsha, kolen čilačepen glan hi. Te poučenn i menshe an o foro lendar: “Hoy hounte kras mer?” Palle penenn le lenge savo koova, hoy anell len an i bibarht.

Jesaja 57:20

I čilače hi har i divyo baro pani, hoy rikrell pes nay gar pale, oun vell pale te pale oun hadell khandli phoub oun čik pre.

Jesaja 32:7

O rhorheno djal rhorhene dromma. Čilačo koova lell lo peske glan, oun leskro rhorhepah anell lo doosh ap i čorvelende, ninna te hi kolla an o čačepen.

Gosewe laba 22:8

Kova, kay rhorhepen vin vitsrell har djob, kova anell bibarht dren. Palle nay djal lo bouder gar i vavarentsa yaake trouyel har yob kamell.

Gosewe laba 21:8

Kova, kay doosh ap peste anas, djal bange dromma. Koles, kay i djoudjo dji hi, krell o čačepen.

Gosewe laba 3:29

Ma le touke glan, te kress čilačepen koleske, kay pash toute an o lačepen djivell!

Gosewe laba 2:14

Lenge hi shoukar, te krenn le čilačo koova, oun yon sanenn, te krenn le djoungelo koova.

Debleskri gili 36:4

Či har midjak oun rhorhene laba venn dran leskro mouy vin. Lačo koova hayvell lo bouder gar te krell.

Debleskri gili 140:2

Baro Devel, le man vin dran i vasta kol čilačendar! Khate man glan i marepangre!

Gosewe laba 16:27

I čilačo mensho rodell i drom, har nay doukrell lo i vavaren. Hoy lo rakrell, rhačell har yag.

Gosewe laba 17:20

Yek douy djiyentsa hatsell kek lačepen. Oun yek douy čipyentsa perell an i bibarht.

Gosewe laba 24:8

Kova, kay peske glan lell te krell lo čilačo koova, koles denn le čilačo bedo gole.

Debleskri gili 140:3

Kolen hi čilačepen an o dji, oun krenn čingepen hako dives.

Gosewe laba 3:32

O baro Devel dikell rhoyedes ap kolende, kay bange dromma djan. I maal hi lo kolenge, kay ap o čačo drom djan.

Gosewe laba 14:22

Kolen, kay čilačepen an o shero hi, kolla djan nashedo. Kolla, kay kamenn o lačepen te krell, kolenge hi i vavar menshe lačes oun rikrenn ap lende.