Gosewe laba 4:1 - O Debleskro Lab 2024 (Sinte-Manouche)

¹ Mire čave, shounenn ap kova, hoy me, t'maro dad, t'menge pashel anau. Denn yak ap mire laba, te venn gosevo!

O Debleskro Drom 2021 (Sinte)

¹ Mire tchawe, shunenn ap kowa, hoi me, tumaro dad, tumenge pashel anau. Denn jak ap mire laba, te wenn gosewo!

Gosewe laba 4:1 Referans Kwoze

Hebrearja 2:1

Glan i rah tsiro penan i bolepangre mare phourenge, har hounte djan yon ap o Debleskro drom. Koon gar ap o Debleste shounas, oun gar ap leskro drom djas, kova las peskri phagi. Yaake zorelo hi o Debleskro lab. Doleske hounte das mer baro yak ap ko lab, hoy mer shounam, te djivas pal kova, oun te peras gar ko čačo dromestar tele.

Debleskri gili 34:11

I bare divye margodje hatsenn gar hako dives doha rhapaske oun hounte bokenna. Kol menshen, kay rodenn o baro Debles, hi lauter doha djipaske.

Gosewe laba 1:8

Miro čavo, shoun ap i laba, hoy tiro dad touke penell! De yak ap kova, hoy tiri day toutar kamell!

Gosewe laba 22:17

Shoun mishto oun de yak ap i laba kol gosevendar! Le mire laba an o dji, hoy touke sikrenn, hoy mishto oun čačo hi.

Gosewe laba 5:1

Miro čavo, de yak ap kol goseve laba, hoy touke penau! Shoun ap kova, hoy touke pashel anau.

Gosewe laba 19:20

Shoun ap kova, hoy yek ap toute penell, oun mouk touke čomone te penell, te vess pal kova gosevo.

Gosewe laba 7:4

Dik ap o gosvepen, har te vals lo tiri pheen, oun ap gosevo rakepen, har te vals lo tiro feteder maal.

Gosewe laba 1:2

Kal laba sikrenn mende, hoy čačo gosvepen hi, te nay hayvas, hoy men doureder anell, oun hoy gosevo rakepen kamell te penell.

Jeremia 35:8

Yaake shounam ap o rakepen maro dadestar Yonadab an halauter, hoy yob menge penas, te piyas kek mool maro tselo djipen, mer gar, mare romya vitar gar, oun mare čave oun ča vitar gar.

1. Mose 49:2

T'mer, o Yakobeskre čave, avenn oun shounenn! Shounenn, hoy t'maro dad, o Israel, t'menge penell!

Gosewe laba 13:1

I gosevo čavo shounell ap peskro dadeste, te penell yob leske, hoy lo gar mishto kras. I pre-phourdo sal oun shounell ninna gar, te vell lo trad dino.