Gosewe laba 30:4 - O Debleskro Lab 2024 (Sinte-Manouche)

⁴ Koon djas pre an o bolepen oun pale tele? Koon las o phourdepen an peskre vasta? Koon pandas i tsele panya an i baya? Koon penas, har dour i phoub te djal? Har kharell lo? Har kharell leskro čavo? Djineh tou kova?

O Debleskro Drom 2021 (Sinte)

⁴ Koon djas pre an o bolepen un pale tele? Koon las o phurdepen an peskre wasta? Koon pandas i tsele panja an i baja? Koon penas, har dur i phub te djal? Har kharell lo? Har kharell leskro tchawo? Djineh tu kowa?

Gosewe laba 30:4 Referans Kwoze

Johanni 3:13

Me, o Mensheskro Čavo kokres, nay penau, hoy an o bolepen hi. Me vom dran o bolepen.

Hiob 26:8

Yob pandell o brishin dren an i volke, oun kolla djan gar paash, fothe pharo o pani ninna hi.

Jesaja 9:6

I rayeskri zoor, hoy les hi, vell baro oun bareder. Oun an kek tsiro dell čingepen. Yob vell beshdo ap o Davideskri beshepaskri, oun hi i ray, kay krell o čačepen yaake vin, har o Devel kamell oun mishto hi kanna oun hako tsireske. O baro Devel, ko ray pral o bolepen oun i phoub, krell kova lauter. Yaake las lo pes kova zoreles glan.

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

5. Mose 30:12

Kava lab hi gar an o bolepen, yaake te nay penans t'mer: “Koon djal menge an o bolepen pre oun anell les menge, te nay shounas les oun djivas koy pal?”

Debleskro tsiro 19:12

Leskre yaka hi har i yag. Oun ap leskro shero hi boud sonakay boud kouč barrentsa. Glan ap leskro shero hi i lab činlo. Koles prindjrell kek har yob kokres.

Remarja 10:6

Hi vavarčandes kolenge, kay patsenn ap o Yezous Kristeste. Dran lengro patsepen van le čačo glan o Debleste. O Debleskro lab penell: Ma pen an tiro dji: Yek hounte djal an o bolepen, te anell lo o Yezous Kristes tele! Mer djinah: o Yezous Kristo vas ap i phoub.

5. Mose 28:58

Oun o Mose penas doureder: Doleske denn yak, te djan ap o drom t'maro baro Deblestar! Oun rikrenn leskre tsele laba, hoy an kava liil dren činlo hi! Oun dikenn ap leste pre, ap t'maro rayeste, kay yaake baro koova krell, kay darenn i menshe lestar.

Jesaja 53:8

Yob vas stildo oun glan i čačepangre anlo oun krik lino, te vell lo maredo. Oun kek nay rakrell leskre čavendar, kay pal leste venna. I doshake mire menshendar vas yob vin tserdedo dran o them, kay i djide djivenn.

Debleskri gili 68:18

Boud zerya vourdya hi o Debles. Lentsa vas lo ap i berga Sinay, oun djal dren an peskro kheer.

Debleskri gili 2:7

Kava baro ray penell: “Moukenn man t'menge kova te penell, hoy o baro Devel kamell te krell. Yob penas ap mande: Miro čavo hal tou. Kava dives vom tiro dad.

2. Mose 6:3

oun sikrom man o Abrahameste oun o Isaakeste oun o Yakobeste. Har vom pash lende, sikrom lende, kay hom o zorelo Devel. Miro lab baro Devel, moukom len gar te djinell.

Čačepangre 13:18

O bolepaskro o baro Deblestar penas ap leste: “Hoske poučeh tou pal miro lab? Kova hi i lab, hoy vell gar kharedo.”

Louka 10:22

Lauter das miro dad an mire vasta. Oun kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell o dades kolende, kay yob vin rodas.”

Mateo 11:27

Lauter das miro dad an mire vasta. Kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell kolen, kay patsenn ap leste, koon o dad hi.

Jeremia 23:6

An leskro tsiro vell o Youda vin lino dran i čilače vasta, oun o Israel nay djivell kek daryah. Oun i menshe denn les o lab o baro Devel krell men čačo.

Debleskri gili 24:2

Yob kras lat oun čivas lat pral o baro pani, oun rikras lat zoreles pral i panya.

Debleskri gili 22:27

Mou rhan i čorvele oun venn čalo! Oun kolla, kay ap o baro Debleste gole denna, mou sharenn les! Lenge te vell i djipen, hoy gar pre-herella!

1. Mose 32:29

Penas ko morsh: “Tiro lab hi bouder gar Yakob. Kanna vell tiro lab Israel. Tou koural tout o Debleha oun i menshentsa. Oun tou hals zorleder har yon.”

2. Mose 15:10

Tou phourdal tiro dourho, – oun o baro pani čakras len. Yon tassan oun djan tele har saster an o baro pani.

Debleskri gili 135:7

Yob moukell volke pral i phoub pre te djal, dell brishin ap i phoub, ninna koy yag, hoy ap o bolepen pre oun tele karye dell. Yob anell o baro dourho vin, hoy pral i phoub phourdell.

Jesaja 45:18

O baro Devel hi o Devel, kay o bolepen kras. Yob hi o Devel, kay i phoub kras oun zoreles pre čivas. Yob kras lat gar yaake, te nay djivell či koy pre. Na-a, yob kras lat yaake, te vell djipen ap late. Yob penell: Me hom o baro Devel, oun dell kek vavar Devel har man!

Hiob 11:7

Patseh, te djineh halauter, hoy an o Debleskro dji hi? Nay hayveh tou, har baro o zorelo Devel hi?

Hiob 11:8

O Debleskro gosvepen hi doureder har o bolepen hi, oun doureder tele har o moulengro them. Kova hi bareder har i phoub oun bourhleder har o baro pani. Tou nay hayveh oun djineh gar halauter!