Gosewe laba 30:17 - O Debleskro Lab 2024 (Sinte-Manouche)

¹⁷ Kova, kay praasell peskro dades, oun kamell gar ap peskri date te shounell, koleske hounte dens i korake i yaka vin, oun i bare čirkle hounte rhans len.

O Debleskro Drom 2021 (Sinte)

¹⁷ Kowa, kai praassell peskro dades, un kamell gar ap peskri date te shunell, koleske hunte dens i korake i jaka win, un i bare tchirkle hunte chans len.

Gosewe laba 30:17 Referans Kwoze

Gosewe laba 23:22

Shoun ap tiro dadeste oun tiri date! Yon dan tout o djipen. Ma dik tele ap lende, te van le phouro.

Gosewe laba 30:11

Hi menshe koy, kay rakrenn pral pengro dad bibarht vin, oun penenn kek lačo lab pral pengri date.

3. Mose 20:9

Te rakrell yek pral peskro dadeste oder peskri date bibarht vin, palle hounte vell lo moulo dino. Koon savo koova krell, ap koleste vell leskro rat.

Gosewe laba 20:20

Kova, kay pral peskro dades oun peskri date bibarht vin rakrell, koleske djal har yek, koleskri momeli vin djal an i kali rat.

2. Samuel 21:10

Koy las i Rizpa, kolakro dad o Aya his, i gono oun čivas kova ap i baro bar, oun beshas pes koy pre oun ačas kote yaake rah har yon o djob tele činan, bis te peras o brishino dran o bolepen ap kol moulende, kay koy bladedo his. Oun ap o dives moukas li gar kol čirklen ap lende te vell, vitar gar rati i vesheskre firhen.

1. Samuel 17:44

oun penas ap o David: “Ab kay pash mande, te dap tiro mass te rhal i čirklende oun i divye firhende!”

5. Mose 28:26

Oun te han moulo koy čiddo, palle venn i čirkle oun i divye firhe, te rhan le t'maro mass. Oun kek tradell len krik.

Gosewe laba 15:20

I gosevo čavo krell peskro dades oun peskri dat barhteles. I dinelo sal pral lende.

Gosewe laba 30:18

Triin koova hi mange yaake baro, te hayvau len gar. Oun o startestar djinau me či:

Maleachi 1:6

O baro Devel, ko ray pral o bolepen oun i phoub, penell: I čavo hounte hadell peskro dades, oun i boudepaskro hounte dikell pre ap peskro rayeste. Me hom t'maro dad – hoske hadenn man gar? Me hom t'maro ray – hoske dikenn gar pre ap mande? T'mer rashaya, t'mer dikenn tele ap mande. Oun t'mer poučenn: Hoy kram, kay peneh tumer dikan tele ap mande?