Gosewe laba 3:24 - O Debleskro Lab 2024 (Sinte-Manouche)

²⁴ Rati čiveh tout tele kek daryah, oun tou nay soveh mishto.

O Debleskro Drom 2021 (Sinte)

²⁴ Rati tchiweh tut tele kek darjah, un tu nai soweh mishto.

Gosewe laba 3:24 Referans Kwoze

Debleskri gili 3:5

Dau me gole ap o baro Debleste, shounell lo man ap peskri berga, kay yob djivell.

Debleskri gili 4:8

Tou kral miro dji barhtleder har o dji kolendar, kolen boud djob oun mool hi.

Gosewe laba 6:22

Te djah, sikrenn le touke o drom, te čiveh tout, denn le ap toute yak. Oun te steh pale pre, venn le touke an o shero.

Jeremia 31:26

Har djangrom oun krom mire yaka pre, hayvom, kay miro sopen shoukar his.

Hiob 11:19

Oun tou hal čiddo, oun kek vell pral toute, oun krell tout traash. Oun boud venna, kay mangenn toutar, te kress lenge lačepen.

3. Mose 26:6

T'mer nay djivenn an o lačepen kolentsa, kay troul t'mende djivenn, te nay sovenna, oun kek tserdell t'men dran o sopen. Kol divye firhen tradau me dran o them vin. Kek lourde venna an t'maro them, te marenn le t'men.

Debleskri gili 127:2

Čičeske hi, te stenn t'mer sik taysarlakro pre, oun han beshdo bis an i rat, oun marenn t'men tele, te lenn t'maro rhapen. Kova dell o baro Devel peskre malen an o sopen.

Ezekiel 34:15

Me kokres hom lengro bakrengro, oun anau len kote, kay le pen tele nay čivenn kek daryah. Kava penell o baro Devel, maro ray.

Bičepangre 12:6

An i rat glan ko dives, kay kamas o Herodes les vin anell, te dell lo les i phagi, sovas o Petro mashkral douy lourdende. Yob his pandlo douy sasterne shellentsa, oun douy lourde dan yak glan o voudar.

Debleskri gili 112:8

Zoreles ačell leskro dji, oun darell gar, bis te yob tele dikell ap kolende, kay leske čilačepen kaman.

Gosewe laba 1:33

Koon ap mande shounell, nay djivell kek daryah, oun leskro dji hounte darell kek bibarht.

Sikepaskro 5:12

I djoungelo koova dikom ap i phoub: Hi menshe koy, kay garenn pengro bravlepen pash peste oun denn mishto yak ap kova.

2. Familjakro liil 20:30

Yaake nay djivan i menshe an o them Youda, kay o Yosafat o baro ray his, kek kourepah. Leskro Devel kras, te djivas lo an o lačepen kol thementsa troul leste.

Debleskri gili 3:6

Me čivom man tele oun sovom, oun djinom, har djangrom, o baro Devel das yak ap mande i tseli rat.

Debleskri gili 91:5

Tou hounte tapress kek daar glan kova, hoy rati nay vella, vitar gar glan kol kashta, hoy ap o dives karye dino venna,

Gosewe laba 19:23

Te djiveh o baro Debleha, hi tout o djipen: tout hi doha rhapaske; tou nay soveh mishto; kek bibarht vell ap toute.

Jesaja 54:14

An o čačepen veh tou zoreles tardo. Tou hounte daress kekestar, te rikrell lo tiro djipen phares. Oun tou hounte daress kek bibarht. Kaya nay vell gar pash toute!

Ezekiel 34:25

Oun me pandau miro dji ap lende, oun krau lentsa vin, te nay djivenn le an o lačepen. Hake divye firhen tradau krik dran o them. Oun an o moulo them nay djivenn le kek daryah. Oun an i vesha sovenn le.

Ezekiel 34:27

te hidjrenn i rouka lače roukengre, oun te vell boud djob bares ap i harhetikri phoub. Oun mire menshe djivenn an pengro them kek daryah. Me phagau kol shelle, kolentsa yon pandlo his. Oun lau len vin dran i vasta kolendar, kolenge yon hounte boudran. Palle dikenn oun hayvenn le, te hom me o baro Devel.