Gosewe laba 3:2 - O Debleskro Lab 2024 (Sinte-Manouche)

² Yaake vell tout i lengsto djipen, oun tire djipaskre bersha venn pherdo lačepen.

O Debleskro Drom 2021 (Sinte)

² Jaake well tut i lengsto djipen, un tire djipaskre bersha wenn pherdo latchepen.

Gosewe laba 3:2 Referans Kwoze

Gosewe laba 4:10

Shoun miro čavo, oun de yak ap miro rakepen, yaake te djivess i lengsto djipen.

Gosewe laba 9:11

Me, o gosvepen, dau tout i lengsto djipen, krau, te djiveh boud bersha.

Debleskri gili 91:16

Me dau les i lengsto djipen oun sikrau les, te hom kova, kay les vin lell dran i bibarht.”

Remarja 15:13

Oun o Devel, kolestar o tselo lačepen vella, ap koleste dikah, lestar mangah, te venn t'mer čalo i barhtyatar an o dji dran t'maro patsepen, yaake te djinenn t'mer: Ko lačepen, hoy dell men o Devel an o tsiro, hoy vella, kova vell čačepah. Oun o Debleskro Dourho dell t'men i zoor, te dikenn boud oun boudeder ap o Debleste.

Debleskri gili 128:6

Oun ninna dikeh i čave tire čavendar. Barht te vell pral o Israel!

Debleskri gili 119:165

I bari barht hi kolen, kay tiro drom kamenna. Yon perenn gar tiro dromestar tele.

Gosewe laba 10:27

Kova, kay djivell o baro Debleha, djivell boud bersha. O djipen o čilačestar vell tikneder.

1. Timoteo 4:8

Te dikeh ap kova, te venn tire moussya oun herya zoreles, hi kova gar boud moldo. Te dikeh ap kova, te vell tiro patsepen zoreles, hi kova boud moldo, oun tou leh o čačo djipen. Ko djipen dell tout o Devel kanna ap kay phoub oun an ko tsiro, hoy vella.

Remarja 5:1

Maro patsepen ap o rayeste, o Yezous Kristeste, kras men čačo glan o Debleste. Oun o Debleskri rholi vell bouder gar ap mende.

Debleskri gili 21:4

Tou čoral pral leste barht pral barht, čival shereskro sonakay ap leskro shero.

Remarja 14:17

Kolla, kay o Devel o ray pral lende hi, kolla čingrenn gar pral kova, hoy yon rhana oun hoy yon piyenna. Na-a. Yon djivenn pal o čačepen, hoy o Deblestar vella oun čingrenn gar, oun o Debleskro Dourho dell len barht an o dji.

Jesaja 32:17

Oun kote, kay o čačepen khere hi, oun i menshe pal o Debleskre čačepaskre laba djivenn, kote hi kek kourepen oun kek čingepen. Oun kekes hounte vell daar. Yaake ačell kova hako tsireske.

Hiob 5:26

Oun tou mereh an o lačo phourepen, yaake har o djob dren anlo vell, te vas leskro tsiro.

5. Mose 11:21

Palle ačenn t'mer an kava them, kolestar t'maro baro Devel glan t'mare phourende pes sovel das, te dell lo les t'mende, oun djivenn kote yaake rah har o bolepen pral i phoub hi.

1. Rajengro liil 3:14

Oun te djah tou an mire dromma, yaake har tiro dad, o David, oun rikreh mire laba oun kreh, hoy toutar kamau, palle kamau me touke i lengsto djipen te dell.”

Gosewe laba 16:31

Parne balla hi har i kouč rayeskri stadi, hoy o Devel kolen dell, kay leskro drom djan.

5. Mose 5:32

Kanna denn yak, te krenn halauter yaake, har t'maro baro Devel kova t'menge penas. Rikrenn leskre tsele laba. Čivenn kek lendar ap i rig.

Gosewe laba 4:4

kote sikras lo man, har te djivap, oun penas: An tiro dji le mire laba pre oun biste len gar! Rike ap mire laba, palle djiveh.