Gosewe laba 29:18 - O Debleskro Lab 2024 (Sinte-Manouche)

¹⁸ Te hi kek Debleskro rakepen koy, palle venn i menshe divyo oun bipandlo. Barhtelo hi kova, kay shounell ap o Debleskre laba.

O Debleskro Drom 2021 (Sinte)

¹⁸ Te hi kek Debleskro rakepen koi, palle wenn i menshe diwjo un bi-pandlo. Bachtelo hi kowa, kai shunell ap o Debleskre laba.

Gosewe laba 29:18 Referans Kwoze

Louka 11:28

Koy penas lo: “Barhtele hi kolla, kay ap o Debleskro lab shounenna, oun kova ninna krenna, hoy o Devel penella.”

Jakobo 1:25

Koon dikell pale oun pale an o Debleskro lačo lab, hoy i menshen vin lella dran lengro phouro djipen, ko mensho bistrell gar, hoy yob dikas oun shounas. Oun kova krella, hoy ko lab penella. Koles dell o Devel peskri barht an lauter, hoy yob krella.

Hosea 4:6

Mire menshe prindjrenn o čačo drom gar. Doleske djan le tele. T'mer kaman lenge gar miro drom te sikrell. Doleske kamau me t'mendar vitar či te djinell. T'mer han bouder gar mire rashaya. T'mer bistran miro drom. Doleske bistrau t'mare čaven.

Johanni 13:17

T'mer djinenn kova kanna halauter. Te krenn t'mer kova, han barhtelo.

Gosewe laba 19:16

Kova, kay rikrell pes ap o činlo lab, dell yak ap peskro djipen. Kova kay gar yak dell ap peskre dromma, merella.

Debleskri gili 119:2

Har barhtelo hi kolla, kay yaake djivenn, har yob lenge sikras, oun pengro tselo djiyestar ap leste shounenn.

1. Samuel 3:1

An ko tsiro, har boudras o terno Samuel o baro Debleske tel o rashayeste, o Eli, rakras o baro Devel gar boud kope ap yekeste. His vitar gar boud kope, kay dikas yek i Debleskro dikepen.

Mateo 9:36

Oun har yob kol boud menshen dikas, khaytan le les. Yon his leske har bakre, kay hi len kek bakrengro, kay ap lende garda della. Yon his khino, oun len his bouder kek zoor an lende.

2. Mose 32:25

O Mose dikas, kay i Israelitarya bipandle van. O Aron moukas len te krell, hoy yon kaman. Yon kran pen sapaske kolenge, kay kamenn pen lentsa te kourell.

Debleskri gili 74:9

Kek sikepen hi bouder kay, hoy men sikrell, te hal tou pash mende. Kek Debleskro rakepaskro hi bouder kay. Oun kek djinella, har rah kova yaake ačell.

Debleskri gili 19:11

Leskro čačepen hi koučeder har o sonakay, har o rayleder sonakay, oun goudleder har o gvin, har o djoudjeder gvin.

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.

2. Familjakro liil 28:19

Savi phagi moukas o baro Devel pral i menshende an o them Youda te vell doleske, kay moukas lengro baro ray, o Ahas, o baro Debles, oun kay moukas lo i menshen an peskro them bipandles te vell.

Debleskri gili 106:3

Barhteles hi kolla, kay leskre laba rikrenna, oun hako tsiro o čačepen krenna.

Gosewe laba 8:32

Doleske, mire čave, shounenn ap mande! Barhtele hi kolla, kay ap miro drom djana!

Gosewe laba 29:19

I labentsa moukell pes o boudepaskro či te sikrell. Ninna te hayvals yob, rikrell lo pes gar ap kova.

Debleskri gili 119:1

Har barhtelo hi kolla, kay yaake djivenna, te hounte čingrell o Devel gar lentsa, kolla, kay ap o baro Debleskro drom djana.