Gosewe laba 28:25 - O Debleskro Lab 2024 (Sinte-Manouche)

²⁵ Kova, kay bokell pal i love, savo anell čingepen pre. Kova, kay rikrell pes ap o baro Debleste, lell boudeder har doha te rhal.

O Debleskro Drom 2021 (Sinte)

²⁵ Kowa, kai bokell pal i lowe, sawo anell tchingepen pre. Kowa, kai rikrell pes ap o baro Debleste, lell budeder har doha te chal.

Gosewe laba 28:25 Referans Kwoze

1. Timoteo 6:6

Čačepah, koon krella, hoy o Devel kamella, oun leske hi doha, hoy o Devel les della, koleskro djipen hi pherdo lačo koova.

Gosewe laba 11:25

Kones i baro dji i vavarenge hi, koleske vell yaake boud dino, te vell lo boudeder har čalo. Oun kova, kay i trousheles pani dell, koles vell ninna pani dino.

Gosewe laba 13:10

Mank i pre-phourde hi hako tsiro čingepen. Te hal gosevo, moukeh touke čomone te penell.

Gosewe laba 13:4

Kova, hoy yek kamell, kay kamell gar te boudrell, vell les gar. Kolenge, kay boud boudrenn, hi doha koy.

Gosewe laba 10:12

Dran rholi vell čingepen. Koon o vavares o djiyestar kamell, bistrell leskro tselo čilačo koova.

Gosewe laba 29:25

Kova, kay darell i menshendar, perella. Kova, kay rikrell pes ap o baro Debleste, pral koleste rikrell lo peskre vasta.

Gosewe laba 29:22

I morsh, kay hako tsiro an i rholi hi, savo krell čingepen, oun anell boud doosh ap peste.

Gosewe laba 22:10

Trade ko pre-phourdes vin, kay sal pral halauter. Palle djal o čingepen leha. Oun kol čilače laba oun o praasepen djan ninna krik.

Gosewe laba 21:24

Ko baro-mouyeskro, kay dikell tele ap i vavarende, vell pre-phourdo kharedo. Yob patsell, te nay krell lo lauter oun kek les pale rikrell.

Gosewe laba 15:30

Te dikeh lačes ap yekeste, vell lo barhtelo. Te peneh leske i lačo lab, vell lo zorelo.

Gosewe laba 15:18

I morsh an koleste rholi hi, anell čingepen. Yek, kay gar sik rhoyedo vell, kova lell i yag dran o čingepen.

Debleskri gili 84:12

Maro baro Devel hi o kham maro djipaske. Yob rikrell peskre vasta pral mende. O baro Devel dell men lačepen oun raylepen. Kolen, kay o djiyestar ap leste shounenna, dell lo hako lačepen, hoy len hounte vella.

Jesaja 58:11

Oun hako tsireske sikrell tout o baro Devel tiro drom. Ninna te djiveh an o moulo tato them, dell lo tout doha djipaske, oun dell tout nevi zoor. Palle hal tou har i baar, kolat hako tsiro doha pani hi, ava, har i pani, hoy dran i phoub pre djal, oun koleskro pani hako tsiro nashell.

Gosewe laba 10:3

O baro Devel moukell i lačes gar te bokell. Krik pestar tradell lo ko čilačes, koles bok pral boud koova hi.

Gosewe laba 15:27

Koon rhorhepah peskro bravlepen khetne lell, anell peskri familya an i bibarht. Koon moukell pes gar te ginell, savo djivell.