Gosewe laba 28:2 - O Debleskro Lab 2024 (Sinte-Manouche)

² Te hi boud čilačepen an o them, venn ninna boud raya pre. Te vell savo morsh o ray, kay djinell boud oun hayvell lauter mishto, palle hi o čačepen i rah tsiro an o them.

O Debleskro Drom 2021 (Sinte)

² Te hi bud tchilatchepen an o them, wenn ninna bud raja pre. Te well sawo mursh o rai, kai djinell bud un haiwell lauter mishto, palle hi o tchatchepen i rah tsiro an o them.

Gosewe laba 28:2 Referans Kwoze

1. Rajengro liil 15:28

Kote maras les o Baasha an o triinto bersh, har o Asa o baro ray pral o them Youda his. Oun o Baasha vas baro ray pral Israel pal o Nadab.

Hosea 13:11

Me dom t'men i ray an miri rholi, oun an i rholi lom les t'mendar pale krik.

Daniel 4:27

kharas lo vin: “Ake, o baro foro Babilon! Me čivom les pre miri bari zoryah, te vell lo miro foro, kay hom baro ray. Lauter, kay dikenn les, sharenn miro raylepen.”

Jesaja 58:12

Oun tire menshe čivenn pale kol phoure forya pre, hoy boud bersha paash dino koy čiddo his. Ava, yon krenn kol phoure massourya neves, kolen tire phoure menshe koy čivan glan i rah tsiro. Oun tou veh kharedo: Kova, kay phagede massourya pale pre tardo čivell, oun kova, kay i dromma kote pale tseles krell, kay i menshe djivenn.

Sikepaskro 9:15

Oun an ko foro his i čorvelo, gosevo morsh. Peskro gosvepah nay lals kova ko foro vin dran o vavareskro vast. Oun kek his koy, kay rakras leha oun poučas ko čorvelo morshes.

1. Rajengro liil 15:25

Oun o Nadab, koleskro dad o Yerobeam his, vas baro ray pral Israel, har his o Asa an o douyto bersh o ray pral Youda. Oun o Nadab his douy bersha o ray pral Israel.

Gosewe laba 11:11

O Debleskre menshe anenn o Debleskri barht pral o foro. Oun o foro vell zorelo. Dran o mouy i čilačendar vell sau rakepen, hoy phagell o foro tele.