Gosewe laba 28:14 - O Debleskro Lab 2024 (Sinte-Manouche)

¹⁴ Barhtelo hi kova, kay hako tsireske o Debleha djivell! Kova, kay moukell peskro dji har i bar te vell, perell an i bibarht.

O Debleskro Drom 2021 (Sinte)

¹⁴ Bachtelo hi kowa, kai hako tsireske o Debleha djiwell! Kowa, kai mukell peskro dji har i bar te well, perell an i bibacht.

Gosewe laba 28:14 Referans Kwoze

Gosewe laba 23:17

Ma zilve ap kolende, kay o Debleskro drom moukan. Hako dives de yak, te djivess o baro Debleha.

Debleskri gili 2:11

Boudrenn o baro Debleske oun darenn lestar, perenn glan leste tele oun čoumrenn leskre pire!

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

1. Petro 1:17

O Devel hi o čačepaskro ray, kay rakrell o čačepen vin pral hakeneste pal kova, hoy yob kras. Oun o Devel dikell gar koy pre, koon ko mensho hi. Ap leste penenn t'mer: “Tata!” Doleske djivenn yaake, har yob kova kamella, yaake rah har t'mer kate ap i phoub djivenna.

Jeremia 32:40

Oun me krau lentsa vin, te moukap gar tele, te krap lenge lačepen, oun te dap len i dji, hoy ap mande shounell, oun moukell man gar. Kava lab, hoy lentsa vin krau, ačell hako tsireske.

Remarja 11:20

Kova hi čačo. I bibolde patsan gar o Debles. Yaake hi le har kol kashta, hoy van tele činlo. T'mer han har vavar kashta, hoy van dren čiddo ap ko roukeste kokres dran t'maro patsepen. Doleske ma krenn t'men bares! Denn yak!

Hebrearja 4:1

Dran kova denn mishto garda, te dell kek t'mendar peskro patsepen pre! An o phouro tsiro penas o Devel peskre menshenge, te dell lo len i them, kay yon hako tsiro khere hi. Kava lab, hoy o Devel lenge penas, ačell menge ninna. An o phouro tsiro shounan le les, oun patsan les gar. Yaake van le gar an o Debleskro them.

Gosewe laba 29:1

Koon moukell pes či te penell, oun djal hako tsiro pal peskro shero, savo vella ap yek kopo phagedo, oun kek hi palle koy, kay hadell les pale pre.

Debleskri gili 112:1

Sharedo vell o baro Devel! Barhtelo hi kova, kay djivell o baro Debleha, oun rikrell pes o tselo djiyestar ap leskre laba.

Debleskri gili 95:8

Ma pandenn t'mare djia, har t'mare phoure kran ap i platsa Meriba oun Massa an o moulo tato them.

Remarja 2:4

Hi touke o Debleskro baro lačepen či moldo? Les hi i baro dji oun dell i menshen gar sik pre. Djineh tou gar o Debleskro lačepen, hoy kamell tout ap leskro drom te anell?

Debleskri gili 16:8

Miro baro Devel hi man hako tsiro glan mire yaka. Yob te hi ap miri čači rig, nay hom me zoreles tardo.

Hiob 9:4

O Devel hi gosevo an peskro dji oun les hi bari zoor. Kekeske, kay las pes glan te čingrell lo leha, djas kova mishto.

2. Mose 7:22

Oun i dourkepangre an o them Egiptia kran ninna yaake an pengri zoor. Oun o Faraeskro dji ačas pale pandlo, oun yob shounas gar ap lende. Yaake vas, hoy o baro Devel penas.

2. Mose 14:23

I Egiptarya lan len palla. Oun kol tsele rayeskre graya oun kourepangre vourdya, ninna i lourde djan pal lende ap o drom mank o baro pani.

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

2. Mose 7:23

Oun o Farao rissras pes trouyel oun djas pale an peskro kheer oun moukas peske kova gar an o dji te djal.

Sikepaskro 8:12

Ninna te djivell kova i lengsto djipen, kay krell sheel kope foullo koova, djinau me, te djal kolenge kokres mishto, kay djivenn o Debleha oun moukenn les lengro ray te vell.