Gosewe laba 24:15 - O Debleskro Lab 2024 (Sinte-Manouche)

¹⁵ Ma loure har i čilačo ap o kheer kolestar, kay an o čačepen tardo hi! Ma de koy platsa khetne, kay čivell lo pes sopaske!

O Debleskro Drom 2021 (Sinte)

¹⁵ Ma lure har i tchilatcho ap o kheer kolestar, kai an o tchatchepen tardo hi! Ma de koi platsa khetne, kai tchiwell lo pes sopaske!

Gosewe laba 24:15 Referans Kwoze

Bičepangre 9:24

Kova vas o Sauleske penlo. I rati oun ap o dives dan i bibolde yak glan kol foreskre voudya, te taprenn le les, oun te marenn le les.

Jeremia 11:19

Me homs har i terno bakro, kay djinell gar, te vell lo kote anlo, kay vell lo maredo. Yaake djinom gar, kay rakran le khetne, har te krenn le mange čilačepen. Yon penan mandar, har te voms i rouk: Mer dah ko rouk tele, yaake rah har hi lo sasto. Maras les, te vell lo bistedo!

Jesaja 32:18

Palle djivenn mire menshe an i them, kay kek kourepen hi, an khera, kay hounte vell len kek daar, te krell yek lenge čomone, oun ap platse, kay nay ačenn le, oun kek tradell len krik.

Debleskri gili 140:5

Baro Devel, de ap mande yak, te taprenn man i čilače gar! Khate man glan i marepangre, glan kolende, kay kamenn te perap!

Bičepangre 25:3

Oun yon mangan o Festestar zoreles, te krell lo lenge i lačepen, te moukell lo o Paules an o foro Yerusalem te anell. Mank pende kran i bibolde vin, te marenn le o Paules ap o drom an o foro Yerusalem.

Bičepangre 23:16

Har o Pauleskri phenyakro čavo shounas, kay kamenn yon o Paules te marell, djas lo an o lourdengro kheer, oun penas kova o Pauleske.

Mateo 26:4

Oun yon rodan i drom, har nay taprans le o Yezouses čorrhanes, te marenn le les.

Gosewe laba 22:28

Ma čip kol phoure barra krik, hoy sikrenn har baro tiro them hi, oun hoy tire phoure kote čivan.

Gosewe laba 1:11

Yon nay penans: “Am mentsa! Mer lourah yekes pre oun marah les. Mer nay hatsams saven, kay kek čilačepen an lengro shero hi. Kolen lah palla, te vell men čomone sapaske.

Debleskri gili 59:3

Le man vin dran i vasta kol čilačendar, kol menshendar, kay kamenn te dikell, har miro rat nashell.

Debleskri gili 56:6

O tselo dives rissrenn le mire laba trouyel. Yon rodenn, har nay doukrenn le man.

Debleskri gili 37:32

O čilačo lell koles an o yak, kay an o čačepen tardo hi, te hatsell lo i drom, te nay dell lo les moulo.

1. Samuel 9:11

Oun har yon i tikni berga pre djan, van terne ča dran o foro, kay lenn o pani. Oun kolen poučan le: “Hi o dikepaskro kay?”