Gosewe laba 20:22 - O Debleskro Lab 2024 (Sinte-Manouche)

²² Ma le touke glan, te dess o čilačepen pale, hoy yek ap toute kras. Dik ap o baro Debleste! Kova lell tiro koova an peskro vast.

O Debleskro Drom 2021 (Sinte)

²² Ma le tuke glan, te dess o tchilatchepen pale, hoi jek ap tute kras. Dik ap o baro Debleste! Kowa lell tiro koowa an peskro wast.

Gosewe laba 20:22 Referans Kwoze

1. Tessalonikarja 5:15

Ma avenn čilačo ap kolende, kay čilačo ap t'mende van! Moukenn gar tele, te venn lačes ap hakeneste mashkral t'mende, ninna ap i tsele vavar menshende!

Gosewe laba 24:29

Ma pen: “Yaake har yob mange kras, krau me leske ninna. Hakeneste dau pale, har yob mange kras.”

Gosewe laba 17:13

Koleske lačepen kerdo vas, oun yob čilačepen pale das, dran koleskro kheer djal i bibarht bouder gar krik.

1. Petro 3:9

Krenn kekeske čilačepen, kay kras ap t'mende čilačepen! Yek te čingrell ap t'mende, ma čingrenn pale! Rakrenn lače laba leha! O Devel das t'men gole, te lenn t'mer leskro lačepen.

5. Mose 32:35

Yob penell: Me hom kova, kay dau len halauter ap lengro shero pale an ko tsiro, kay trissenn lengre herya. Gar dour hi o dives, kay vell lengri bibarht pral lende. Oun kova, hoy ap lende vell, kova vell sikepah.

1. Petro 2:23

Te čingran le ap leste, čingras yob gar pale. Te dan le les, das lo len gar trad. Na-a, yob čivas pes an o Debleskre vasta. Oun o Devel hi o čačepaskro ray, kay djal pal o čačepen.

Mateo 5:39

Me penau t'menge: Ma hadenn t'maro vast ap koleste, kay kras t'men čilačo koova! Te das touke yek ap i čači čam, koleske rike ninna i servi koy, te dell lo tout!

1. Petro 4:19

Doleske penau t'menge: Te moukell o Devel ap t'mende i pharo tsiro te vell, palle denn t'men tseles an o Debleskro vast, kay das t'men o djipen! Oun moukenn gar tele, te krenn o lačepen!

Debleskri gili 27:14

Rike tout ap o baro Debleste tiro tselo djiyeha! Ab zoreles, oun ma traash, oun rike tout ap o baro Debleste!

2. Samuel 16:12

Nay vell, kay o baro Devel dikell miri bibarht, oun krell lačepen dran ko praasepen.”

Jesaja 40:31

Kolla, kay ap o baro Debleste dikenn, lenn nevi zoor. Yon hadenn pen har bare čirkle hadenn pen pengre moussyentsa. Yon nashenn oun lengri zoor djal gar krik. Yon djan trouyel oun venn gar khino.

Debleskri gili 37:34

Dik ap o baro Debleste, te vell lo ap tiri rig! Oun ač ap leskro drom! Palle hadell lo tout oun dell tout ko them. Oun tou dikeh, har venn i čilače maredo.

Gosewe laba 20:21

Te kameh sik kova te lell, hoy yek tire phourendar peskre menshenge pale moukell, palle anell kova touke kek barht.

3. Mose 19:18

Ma de o čilačepen pale, hoy i vavar ap toute kras, oun hidje leske či palla. Tou vess yaake lačes ap leste, har hal lačes ap toute kokres. Me hom o baro Devel.

1. Samuel 25:13

Kote penas o David ap peskre morshende: “Hakeno pandell peskro rharo troul peste!” Oun yaake kran le. Oun o David čivas peskro rharo ninna trouyel. Oun yon djan pal o Davideste: yaake 400 (star-sheel) morsha. Oun 200 (douy-sheel) ačan pale ap i platsa, te denn le pre yak.

Debleskri gili 37:40

Oun o baro Devel hi pash lende tardo, oun lell len vin, ava, dran o vast i čilačendar lell lo len vin. Yon nashenn pash leste, oun yob dell garda ap lende.

Gosewe laba 19:11

Koles čačo gosvepen hi an o dji, kova vell gar sik rhoyedo, oun dikell gar ap i doosh i vavarendar. Doleske dikenn le pre ap leste.