Gosewe laba 20:20 - O Debleskro Lab 2024 (Sinte-Manouche)

²⁰ Kova, kay pral peskro dades oun peskri date bibarht vin rakrell, koleske djal har yek, koleskri momeli vin djal an i kali rat.

O Debleskro Drom 2021 (Sinte)

²⁰ Kowa, kai pral peskro dades un peskri date bibacht win rakrell, koleske djal har jek, koleskri momeli win djal an i kali rat.

Gosewe laba 20:20 Referans Kwoze

2. Mose 21:17

Ma rake bibarht vin pral tiro dadeste, vitar gar pral tiri date! Koon kova krell, hounte merell.

Gosewe laba 30:11

Hi menshe koy, kay rakrenn pral pengro dad bibarht vin, oun penenn kek lačo lab pral pengri date.

Gosewe laba 24:20

Kolenge, kay čilačo hi, vell kek lačo tsiro. Lengro djipen hi har i momeli, hoy djal vin.

Judas 1:13

Yon hi har divye panya, hoy vitsrenn pengro čik, hoy an lende hi, vin ap i phoub glan lende. Yon hi har bolepangre momlia, hoy dran pengro drom vin djan, oun hounte djan kanna hako tsireske an i kali rat.

Mateo 15:4

O Devel penas t'menge: Dik ap tiro dadeste oun ap tiri date, te djal lenge mishto! Oun o Devel penas ninna: Koon ap peskro dadeste oun ap peskri date i bibarht anella, kova hounte merella!

Gosewe laba 30:17

Kova, kay praasell peskro dades, oun kamell gar ap peskri date te shounell, koleske hounte dens i korake i yaka vin, oun i bare čirkle hounte rhans len.

3. Mose 20:9

Te rakrell yek pral peskro dadeste oder peskri date bibarht vin, palle hounte vell lo moulo dino. Koon savo koova krell, ap koleste vell leskro rat.

2. Mose 20:12

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

Mateo 25:8

Oun kol dinele ča penan ap kolla goseve čende: Denn men djet! Mare momlia djan vin.

Mateo 22:13

Penas o baro ray ap peskre boudepangre: Pandenn les ap i pire oun ap i vasta, oun vitsrenn les vin an i kali rat! Oun kote rovenn le oun dandrenn i danda i doukatar khetne.”

Gosewe laba 13:9

Koon an o čačepen tardo hi, hi har i momeli, hoy barhteles rhačell, oun i čilačo har i momeli, hoy djal vin.

5. Mose 27:16

“Praasedo vell kova, hoy ap peskro dadeste oun peskri date tele dikell!” Oun i tsele menshe hounte penenn: Amen!

Hiob 18:18

I phoubyatar, kay i djide djivenn, vas lo tradedo an ko tamlo them, kay i moule hi.

Gosewe laba 20:21

Te kameh sik kova te lell, hoy yek tire phourendar peskre menshenge pale moukell, palle anell kova touke kek barht.