Gosewe laba 20:18 - O Debleskro Lab 2024 (Sinte-Manouche)

¹⁸ Rake i vavarentsa pral kova, hoy touke glan lal, te vell kova mishto. Kova hounte kress, hoy tout ninna glan hi, har boud boudeder te kameh i kourepen te krell.

O Debleskro Drom 2021 (Sinte)

¹⁸ Rake i wawarentsa pral kowa, hoi tuke glan lal, te well kowa mishto. Kowa hunte kress, hoi tut ninna glan hi, har bud budeder te kameh i kurepen te krell.

Gosewe laba 20:18 Referans Kwoze

Gosewe laba 24:6

Te kamell lo i kourepen te krell, hounte hayvell lo mishto, har te djal glan. Oun kote, kay boud morsha pengro gosvepen khetne čivenn oun pral rakrenn, hoy mishto vals, djal lengro kourepen mishto.

Louka 14:31

Te kamell i baro ray an o kourepen te djal i vavar baro rayeha, hounte poučell lo pestar: Hom me zorelo doha mire deesh zerya lourdentsa, te kourap man ko vavar baro rayeha, kay biish zerya lourde pash leste hi?

Gosewe laba 15:22

Kova, hoy yekes an o shero hi, djal gar mishto, te poučell lo gar i vavarendar, hoy yon patsenna. Kote, kay boud menshe hi, kay denn pengro gosvepen pashel, kote djal mishto.

Gosewe laba 11:14

Kote, kay kek an o them hi, kay i menshenge o drom sikrell, djan le tele. Kote, kay boud penenn, har nay doureder djal, djal i menshenge mishto.

Čačepangre 20:18

Oun i Israelitarya kran pen pre, oun djan an o foro Betel, oun poučan o Deblestar: “Koon mendar hounte djal glan vin, te marell lo pes i Benyaminentsa?” Oun o baro Devel penas: “O Youda djal glan!”

Čačepangre 20:7

Oun kanna han t'mer Israelitarya lauter kate khetne. Rakrenn khetne oun penenn, hoy kerdo hounte vell!”

Gosewe laba 25:8

Ma dja sik pash i čačepangre morshende, te peness lenge, hoy dikal. Te vell palle i vavar oun sikrell, kay hi tout gar čačo, hoy kreh tou palle?

Čačepangre 9:29

Te vals man penepaske kate, palle tradoms me o Abimelekes oun penoms ap leste: De tire kourepangre khetne gole oun ab vin, oun koure tout mentsa!”

Čačepangre 19:30

Oun hakeno, kay kova dikas, penas: “Savo koova har kava vas gomme gar kerdo yaake rah har o Israel dran Egiptia djas bis kanna. Kanna moukenn kova an t'mare sherya trouyel te djal, rakrenn khetne, oun penenn, hoy kanna kerdo hounte vell!”

1. Rajengro liil 1:12

Kanna, shoun, hoy touke penau, te nay rikress tou tiro djipen oun o djipen tiro čavestar Salomo.

2. Rajengro liil 18:20

Patseh čačepah, tire labentsa nay veh o gosveder oun o zorleder an i kourepen? Ap koneste dikeh, te vell lo touke ap i rig, kay peral mandar tele oun hadal tout pral mande?