Gosewe laba 2:5 - O Debleskro Lab 2024 (Sinte-Manouche)

⁵ Palle hayveh, har nay djiveh o baro Debleha, oun prindjreh les boud oun boudeder.

O Debleskro Drom 2021 (Sinte)

⁵ Palle haiweh, har nai djiweh o baro Debleha, un prindjreh les bud un budeder.

Gosewe laba 2:5 Referans Kwoze

Gosewe laba 1:7

Glan halauter hounte djivess o baro Debleha, te kameh gosevo te vell. Koneske o gosvepen či moldo hi, oun koon kamell či te djinell, hi dinelo.

Jeremia 24:7

Me dau len djia, kay prindjrenn man, te djinenn le, me hom o baro Devel. Yon te venn mire menshe, oun me hom lengro Devel; pengro tselo djiyestar venn le pale pash mande.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

Louka 10:22

Lauter das miro dad an mire vasta. Oun kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell o dades kolende, kay yob vin rodas.”

Jeremia 9:24

Shounenn, penell o baro Devel, ko tsiro vell, kay dau hakenes i phagi, kay činlo hi ap peskro mass, oun djivell, har te vals lo gar činlo:

Mateo 11:27

Lauter das miro dad an mire vasta. Kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell kolen, kay patsenn ap leste, koon o dad hi.

Hosea 6:3

Mer te das yak koy pre o tselo djiyestar, te prindjras o baro Debles! Yob vella! Kova hi yaake čačo, har o kham hako dives pre djala. Yob vella, har i brishin pash mende vella, ava, har i brishin pal o vend i phoub sapenes krella.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Gosewe laba 9:10

Glan halauter hounte djivess o baro Debleha, te kameh goseves te vell. Te prindjreh koles, kay o čačo Devel hi, hal tou čačepah gosevo.

Hiob 28:28

Yob penas ap o mensheste: Savo mensho hi gosevo, kay rikrell pes o Debles glan i yaka pash kova, hoy lo krell. Savo mensho hayvas, har te djivell lo o gosevo djipen, kay rikrell pes pale o čilačepastar.

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Gosewe laba 8:17

Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

Gosewe laba 28:7

Kova, kay o Debleskro drom djal, hayvell, hoy mishto oun gar mishto hi. Kova, kay i maal kolentsa hi, kay či-molde hi, anell ladj ap peskro dadeste.

Jesaja 33:6

Oun t'mer menshe an Yerusalem, t'menge vell i tsiro, kay hounte darenn či. Boud barht oun gosvepen vell t'menge. T'mer djinenn, hoy t'menge mishto oun gar mishto hi, oun djivenn o baro Debleha. Yob hi t'maro bareder bravlepen.