Gosewe laba 2:4 - O Debleskro Lab 2024 (Sinte-Manouche)

⁴ Rode pal miro gosvepen, har te rodals roup oun i khatedo bravlepen!

O Debleskro Drom 2021 (Sinte)

⁴ Rode pal miro goswepen, har te rodals rup un i khatedo brawlepen!

Gosewe laba 2:4 Referans Kwoze

Mateo 13:44

Kova, kay hatsas o drom pash o Debleste, koleske hi kova har i kouč bravlepen, hoy an i kotar phoub khatedo hi. Oun i mensho hatsell les, oun khatrell les pale. Oun yob hi yaake barhtelo koy pral, te bikrell lo lauter, hoy les hi, oun ginell ko kotar phoub.

Mateo 19:29

Oun hakeno, kay moukas peskro kheer, peskre phralen, peskre phenyen, peskro dades, peskri dat, peskre čaven oun peskro kotar them, te djal lo mantsa, kova lell sheel kope pale, hoy yob moukas. Oun o Devel dell les o djipen, hoy gar pre-herella.

Gosewe laba 16:16

Hi boudeder moldo te less gosvepen har te less sonakay. Te hayveh, hoy mishto oun gar mishto hi, hi kova touke feteder har roup.

Hiob 3:21

Yon kamenn te merenn, oun o merepen vell gar. Yon rodenn les boudeder har bravlepen,

Louka 16:8

Oun ko ray sharas ko rhorheno boudepaskres doleske, kay his lo gosevo.” “Oun kova hi čačo”, penas o Yezous, “kol menshe, kay prindjrenn o Debles gar, djan gosveder trouyel i vavar menshentsa har kolla, kay djan ap o Debleskro drom.

Sikepaskro 4:8

Kote hi yek kokres, oun kek hi pash leste. Kek čavo hi les oun kek phraal. Oun yob boudrell oun boudrella, te vell lo bravelo. Yob hounte poučals pestar: Koneske boudrau man tele, oun moukau les mange gar mishto te djal? Savo koova hi phares te hayvell oun i bibarht.

Gosewe laba 23:23

Mouk touke o čačepen oun o gosvepen boud moldo te vell! Mouk touke hako tsiro čomone te penell, te hayvess lauter mishto.

Debleskri gili 119:127

Me kamau tire laba boudeder har o sonakay, ava, boudeder har o lačeder sonakay.

Debleskri gili 119:72

Tiro drom kamau me boudeder har boud zerya kotya sonakay oun roup.

Debleskri gili 119:14

Me hom yaake barhtelo pral tiro drom, kay tou mange sikral, har te djivap. Kova hi mange shoukeder har i baro bravlepen.

Debleskri gili 19:10

Te hadau o baro Debles pre, hi kova mishto. Hako tsiro vell lo hadedo. O čačepen, hoy o baro Devel vin rakrella, hi lauter lačo oun čačo.

Gosewe laba 2:3

Mange mandar gosvepen, oun pouč man, hoy te kress!

Gosewe laba 8:17

Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

1. Mose 26:32

Ap ko dives van o Isaakeskre boudepangre pash leste, oun rakran leha pral koy brounna, hoy yon vi-hadan, oun penan: “Mer hatsam pani.”

Gosewe laba 4:7

O feteder koova, hoy nay leh, hi o gosvepen. Doleske kre lauter, te less les!