Gosewe laba 19:21 - O Debleskro Lab 2024 (Sinte-Manouche)

²¹ Boud koova hi, hoy i morsh peske glan lell an peskro dji; kokres kova vella, hoy o baro Debles glan hi yekeha.

O Debleskro Drom 2021 (Sinte)

²¹ Bud koowa hi, hoi i mursh peske glan lell an peskro dji; kokres kowa wella, hoi o baro Debles glan hi jekeha.

Gosewe laba 19:21 Referans Kwoze

Gosewe laba 16:9

O mensheskro dji lell peske čomone glan, o baro Devel hi kova, kay anell leskre herya ap ko drom, har yob kamell.

Jesaja 14:24

O baro Devel, o ray pral o bolepen oun i phoub, penas oun das pes sovel: Yaake har me les mange glan lom, yaake krau les ninna. Oun yaake har an miro dji hi te krap, yaake vell ninna.

Gosewe laba 16:1

O mensho lell pes čomone glan an peskro dji. Hoy čačepah vella, penell o baro Devel.

Jesaja 46:10

An o phouro tsiro penom me glan-vi, hoy vella. Glan rah tsiro rakrom kolestar, hoy gomme gar his. Oun me penau: Kova hoy me mange glan lom, vell yaake. Oun me krau lauter, hoy kamau te krell.

Gosewe laba 21:30

Kote dell kek gosvepen, či hoy yek feteder nay djinals oun penals, har nay krell o baro Devel.

Efesarja 1:11

Yob kras, te vam mer o Debleskre čave. Oun ko bolepaskro bravlepen, hoy leskro hi, vell ninna maro. Kova kamas o Devel glan i rah tsiro yaake. Oun lauter, hoy yob kamella, krell lo.

Hiob 23:13

Yob ačell koon yob hi. Koon nay anell les kolestar krik, hoy lo kamell te krell? Kova, hoy kamell lo te krell, kova krell lo.

Gosewe laba 21:1

O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

Sikepaskro 7:29

Dik, kova kokres hatsom: O Devel kras o menshes yaake, te djivell lo an o čačepen; i menshe rodenn penge boud dromma, kay nay krenn le čilačepen.

Debleskri gili 21:11

Kek lengre čavendar ačenn djido, gar yek lendar ačell ap kay phoub.

1. Mose 50:20

T'mer kaman te krenn mange čilačepen. O Devel las peske glan, te krell lo lauter mishto, yaake har hi kava dives: Boud menshe ačan djido.

Gosewe laba 12:2

Ap i lačo mensheste dikell o baro Devel lačes. Pral koleste, koles o čilačepen glan hi, rakrell lo i phagi vin.

Judas 1:4

Me shounom, hi menshe koy, hoy čorrhanes mank t'mende van. Kolla kamenn o Deblestar či djinell. Yon penenn, te hi o Devel lačo, oun te nay krenn le lauter, hoy yon kamenna. Yaake djivenn le i vi-ladjedo djipen, oun denn maro rayes, o Yezous Kristes, bourhoste. Kova kokres hi maro ray. Glan i rah tsiro hi činlo, te lenn yon pengri phagi.

Ester 9:25

An ko liil his ninna tardo, har i Ester pash o baro rayeste djas oun har kova an i liil penas, te vell o Hamaneha ko čilačo koova kerdo, hoy yob kamas i biboldentsa te krell. Oun yaake vas o Haman oun peskre čave ap i bare kashta pre bladedo.

Debleskri gili 83:4

Yon čivenn pen khetne oun rakrenn, har nay krenn le tire menshenge čilačepen. Pal o doumo krenn le vin, te djan le ap kolende, kay khatrenn pen pash toute.

Gosewe laba 19:22

Kova, hoy i mensho rodell, hi kamlepen. Hi feteder te hal čorvelo har te vals i rhorheno.

Jeremia 44:29

Oun kava hi ko sikepen, penell o baro Devel: Me kamau t'men kate t'mari phagi te dell, te djinenn t'mer halauter, kay miro rakepen čačo vella, te vell koy bibarht pral t'mende.

2. Samuel 17:14

Koy penas o Absalom oun hakeno an Israel: “Kova hoy o Houshay penas, hi feteder har kova, hoy o Ahitofel penas.” Yaake kras o baro Devel, kay kek kova kras, hoy o Ahitofel an leskro gosvepen penas. O baro Devel kamas i bibarht pral o Absalom te anell.

Ezekiel 20:32

Hoy vas t'menge an o shero? T'mer penenn: “Mer kamah har i menshe an vavar themma te vell! Mer kamah deblen dran kasht oun bar an te mangell.” Me o baro Devel, t'maro ray, penau: Savo koova te vell kek tsireske! Me dau man sovel pash miro djipen, te ačap i zorelo ray pral t'mende – i ray i zorelo vasteha, oun i pre-hadedi moussyah, oun i baro rholyah.