Gosewe laba 19:2 - O Debleskro Lab 2024 (Sinte-Manouche)

² Yek, kay peskro koova gar hayvell, hi či moldo, ninna te boudrell lo sik. Kova, kay sik nashell, perell.

O Debleskro Drom 2021 (Sinte)

² Jek, kai peskro koowa gar haiwell, hi tchi moldo, ninna te budrell lo sik. Kowa, kai sik nashell, perell.

Gosewe laba 19:2 Referans Kwoze

Gosewe laba 21:5

Rake tiro djiyeha pral kova, hoy kameh te krell, oun palle kre les tiri tseli zoryah. Oun tout vell boud djipaske. Kova, kay lauter sik sik krella, koles hi či.

Filiparja 1:9

Oun me mangau o Deblestar, te vell t'maro kamlepen bareder oun bareder, te hayvenn, hoy o Devel kamella, oun te djinenn, hoy te krenna.

Gosewe laba 29:20

Dikeh tou i morshes, kay sik ap o rakepen hi, i dineleske nay djal feteder har saveske.

Remarja 10:2

Me djinau čačepah, yon krenn boud koova o tselo djiyeha o Debleske. Ninna te krenn le kova, djinenn le čačepah gar, hoy o Devel kamella.

Johanni 16:3

Yon prindjrenn o dades gar oun man vitar gar. Doleske krenn yon kova.

Hosea 4:6

Mire menshe prindjrenn o čačo drom gar. Doleske djan le tele. T'mer kaman lenge gar miro drom te sikrell. Doleske kamau me t'mendar vitar či te djinell. T'mer han bouder gar mire rashaya. T'mer bistran miro drom. Doleske bistrau t'mare čaven.

Jesaja 28:16

Doleske penell o baro Devel, maro ray: Ap i berga Sion čivau i zorelo bar, ap koleste miro kheer tardo vell. Zorelo oun kouč hi ko bar oun rikrell lauter vin. Ap leste hi tardo: Koon ap mande patsell, nashell peske gar.

Gosewe laba 28:20

I morshes o labestar hi barht an boud koova. Kova, kay kamell sik braveles te vell, anell ninna doosh ap peste.

Sikepaskro 12:9

Kava koova ačell oun hounte vell penlo: O sikepaskro his i gosevo morsh oun penas i menshenge čače laba. Yob moukas peske boud goseve laba an o shero trouyel te djal. Yob rodas, hoy kaman le te penell oun činas len tele.

Sikepaskro 7:9

De garda te vess gar sik rhoyedo! Koon rhoyrell pes pral halauter, hi dinelo.

Gosewe laba 28:22

Koles, kay bok pal i love hi, nashell o bravlepen palla, oun djinell gar, te vell yaake o čorvlepen pral leste.

Gosewe laba 25:8

Ma dja sik pash i čačepangre morshende, te peness lenge, hoy dikal. Te vell palle i vavar oun sikrell, kay hi tout gar čačo, hoy kreh tou palle?

Gosewe laba 14:29

Kova, kay gar sik rhoyedo vell, hi gosevo. Koon sik rhoyedo vella, sikrell har dinelo yob hi.

Gosewe laba 1:16

Yon denn an i herya, te krenn le čilačepen. Sik nashenn le, te marenn le menshen.

Gosewe laba 10:21

O rakepen kolestar, kay an o čačepen tardo hi, dell boud menshen nevi zoor. Kolen či an o shero hi, kolla merenn dran ko dinelo koova, hoy le kran.

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Hiob 31:5

Djom me i rhorheno drom? Rakrom douy čipyentsa?

2. Rajengro liil 4:39

Koy djas yek vin ap o them, te rodell lo zenlepen, oun hatsas divye pesse drake, las len tele oun hidjras len an peskri plaashka, činas kolla an kotya oun čivas kova an i piri. Kek djinas, hoy kova his.