Gosewe laba 19:12 - O Debleskro Lab 2024 (Sinte-Manouche)

¹² Har koy gole, hoy i levo dell, hi i rholi o baro rayestar. Oun leskro lačepen hi har o brishin ap i phoub, hoy krell lat pale sapeno.

O Debleskro Drom 2021 (Sinte)

¹² Har koi gole, hoi i lewo dell, hi i choli o baro rajestar. Un leskro latchepen hi har o brishin ap i phub, hoi krell lat pale sapeno.

Gosewe laba 19:12 Referans Kwoze

Hosea 14:5

Yaake penell o baro Devel: Me anau mire menshen pale ap miro drom, kay le tele peran. Me kamau len o djiyestar, oun hom bouder gar rhoyedo ap lende.

Gosewe laba 20:2

I baro ray, te dell lo trad, palle hi kova, har te dell i levo gole. Kova, kay leskri rholi ap peste tserdell, nashrell peskro djipen.

Gosewe laba 28:15

I čilačo, kay hi o baro ray pral čorvele menshende, hi har i levo, hoy bares gole dell, oun har i divyo firho, hoy bokell ap peskro rhapen.

Debleskri gili 133:3

Kava hi yaake har o taysarlakro pani, hoy i berga Hermon tele nashella ap i berge Sion! Kote kamell o baro Devel peskri barht te dell, oun o djipen, hoy hako tsiro ačella.

Micha 5:7

Kolla, kay ačan pral o Yakobeskre menshendar, hi i menshenge an i vavar themma har i levo mank i vavar firhende an o veesh, har i terno levo mank i bakre. Yob perell pral lende, marell len oun dandrell len khetne. Oun kek nay rikrell les pale.

Daniel 6:24

Kote stas o baro rayeskro dji i barhtyatar. Oun yob penas, te lenn le o Danieles vin dran koy grouba. Oun o Daniel vas vin lino, oun kek doukepen vas ap leste hatslo, doleske kay rikras yob zoreles ap peskro Debleste.

Daniel 5:19

Doleske daran oun trissan i menshe dran hako them oun rakepen lestar. Oun yob maras, yaake har yob kamas, oun moukas koles te djivell, kones yob kamas, te ačell lo djido. Yob hadas menshen oun kras vavaren tikno, yaake har leske shoukar his.

Sikepaskro 8:4

An o baro rayeskro lab hi zorlepen, oun kek nay penell ap leste: Hoske kreh tou kova?

Debleskri gili 72:6

Mouk les te vell har o brishin, hoy perell ap i phoub, har o pani, hoy krell o them sapeno.

Ester 7:8

Har vas o baro ray dran i baar pale pale an koy isema, kay yon khetne mool piyan, dikas lo o Haman, kay glan i divana čiddo his, kay i rani hi. Koy das lo gole: “Kamell lo kanna pash mande an miro kheer i ranyake čomone te krell?” Kol laba his gomme gar dran o baro rayeskro mouy tseles vin, koy čakran i boudepangre o Hamaneskro shero.

2. Samuel 23:4

kova hi har o kham, kay djal pre taysarlakro, ap i dives, kay kek volke hi. Kova hi har ko zenlepen, hoy vell pal o brishino dran i phoub vin.”

1. Mose 27:28

Mou dell tout o Devel brishin dran o bolepen oun boud rhapaske dran i phoub, boud djob oun mool.

5. Mose 33:28

Oun yaake nay djivell o Israel kek daryah kote. Kek kamell čingepen o Yakobeskre čaventsa. An lengro them vell djob oun mool baro. Oun o bolepen dell doha brishin.

Jesaja 18:4

O baro Devel penas ap mande: Foun pral dran miro kheer lau an i yak, hoy djala ap i phoub, oun ačau pokones har o tatepen mashkral o dives, oun har i sapeni folka an o tato tsiro, kay o djob dren anlo vell.

Ester 1:12

Har penan kol efta morsha i ranyake Vasti, hoy o baro ray latar kamell, kamas li gar pash leste te vell. Kote tapras i bari rholi i baro rayes.