Gosewe laba 19:1 - O Debleskro Lab 2024 (Sinte-Manouche)

¹ Hi feteder te hal an o čačepen tardo oun djiveh an čorvlepen, har te vess i dinelo, kay rakrell rhorhepen.

O Debleskro Drom 2021 (Sinte)

¹ Hi feteder te hal an o tchatchepen tardo un djiweh an tchorwlepen, har te wess i dinelo, kai rakrell chochepen.

Gosewe laba 19:1 Referans Kwoze

Gosewe laba 28:6

Hi feteder te hal čorvelo oun djiveh i djoudjo djipen, har te vals bravelo oun djals ap bange dromma.

Mateo 16:26

I mensheske vals kova gar mishto, te lals lo o tselo bravlepen ap kay phoub, oun nashrals o djipen. I mensho nay dell či o Debleste, te lell lo ko djipen pale.

Gosewe laba 16:8

Hi feteder, te hi tout gar boud, oun kova lal touke khetne kek rhorhepah, har te vell tout boud bravlepen, hoy anal khetne o rhorhepah.

Gosewe laba 19:22

Kova, hoy i mensho rodell, hi kamlepen. Hi feteder te hal čorvelo har te vals i rhorheno.

Gosewe laba 20:7

Kova, kay an o čačepen tardo hi oun o Debleskro drom gar moukell, barhtelo hi leskre čave, kay pal leste venna.

Gosewe laba 15:16

Hi feteder, te hal čorvelo oun djiveh o baro Debleha, har te hi tout i baro bravlepen oun hounte daress halautereske.

Gosewe laba 14:2

Kova, kay kamell o baro Debleha te djivell, djal o čačo drom. Koon či lestar kamell te djinell, djal ap bange dromma.

Jesaja 59:3

I vavarengro rat kras t'mare vasta ratlo, oun koy doosh, hoy ap t'mende lan, kras t'mare goushte čiklo. T'maro mouy rakrell rhorhepen, oun t'mari čip čilačepen.

Debleskri gili 37:26

O tselo tsiro krell yob peskro dji pre oun patsella, oun ap leskre čavende vell o Debleskri barht diklo.

Gosewe laba 12:26

Kova, kay an o čačepen tardo hi, hatsell peskro drom. I čilačen anell pengro drom kote, kay djan le nashedo.

Debleskri gili 26:11

Me djivau an kek čilačepen. Ab mange lačes oun le man vin dran o merepen!

1. Samuel 25:25

Miro ray, ma rhoye tout pral o Nabal, ko či-moldo! Har leskro lab, yaake hi lo ninna! Nabal kharell lo, oun i narvelo hi lo. Me, tiri boudepaskretsa, dikom kol morshen gar, kay bičral.

1. Samuel 25:17

Oun kanna dik, hoy tou gomme nay kreh! Te vell či kerdo, palle vell i bibarht pral maro rayeste oun leskro tselo kheer. Ko patsau zoreles. Yob hi sau čilačo mensho, te nay rakrell yek leha gar.”

Gosewe laba 4:24

Mouk kek rhorhene laba dran tiro mouy te vell! Tiro rakepen te vell mishto oun čačo!