Gosewe laba 18:19 - O Debleskro Lab 2024 (Sinte-Manouche)

¹⁹ I phraal, kay doukedo vas an peskro dji, moukell gar peha te rakrell, oun hi pandlo har i foro, kay hi i zoreli massouri troul leste. Oun o čingepen hi har ko kashteskro, hoy o foreskro voudar pandell.

O Debleskro Drom 2021 (Sinte)

¹⁹ I phraal, kai dukedo was an peskro dji, mukell gar peha te rakrell, un hi pandlo har i foro, kai hi i soreli massuri trul leste. Un o tchingepen hi har ko kashteskro, hoi o foreskro wudar pandell.

Gosewe laba 18:19 Referans Kwoze

Gosewe laba 16:32

Yek, kay gar sik rhoyedo vella, hi feteder har i čačo kourepaskro. Oun koon o ray pral peste hi, hi boudeder moldo har yek, kay i tselo foro dren lell.

Bičepangre 15:39

Oun kote čingran pen o Paulo oun o Barnabas pral o Markeste yaake, kay djas hakeno peskro drom. O Barnabas las o Markes peha, oun yon ouleran ap o shiffo an o them Ciprus.

Gosewe laba 6:19

yek, kay čomone ap i vavareste pre anell, hoy gar čačo hi; yek, kay anell čingepen mank phralende.

1. Rajengro liil 12:16

Har i tsele Israelitarya dikan, kay kamas o baro ray gar ap lende te shounell, dan le gole: “Hoy djal men o David an oun leskri familya! Hoy kran le menge? Mou dikenn le kokres pal lengro kheer! Nashas khere, mer dran Israel!” Kova penan le, oun hakeno djas pash peskro kheer.

2. Samuel 13:28

O Absalom penas ap peskre lourde: “Denn yak! Te piyas pes o Amnon mato, oun te penau me ap t'mende: Denn o Amnones khetne! palle denn les moulo! Ma trashenn! Me penom t'menge, te krenn kova. Avenn čače morsha oun krenn kova kek trashah!”

2. Samuel 13:22

O Absalom rakras gar peskro phraleha, o Amnon, gar čilačes, vitar gar lačes, yaake midjak his lo ap leste, doleske, kay yob ap leskri phenyate bari ladj anas.

1. Mose 37:11

Oun leskre phrala dikan čilače yakentsa ap leste. Leskro dad rikras kol laba an peskro dji.

2. Familjakro liil 13:17

Yaake vas, kay o Abiya oun leskre lourde kol vavaren zoreles dan. Lendar ačan 500.000 (panč-sheel-zerya) vi-rodede lourde moules čiddo.

1. Samuel 17:28

Leskro phoureder phraal, o Eliab, shounas, har yob kol morshentsa rakras. Oun an leste rhačras i bari rholi pre pral o Davideste, oun penas: “Hoske val tou kay? Oun kones moukal tou ap kol bakre yak te dell an o moulo them? Me prindjrau tout mishto, tou tikno pre-phourdo oun či-moldo! Tou val kay, te dikess touke o marepen an.”

Gosewe laba 18:18

Te čingrenn pen douy zorele, oun tikne kashta venn vitsedo, te vell diklo, kones čačo hi, djal o čingepen krik, oun yon moukenn pendar tele.

Gosewe laba 18:20

I morsh lell, hoy leskro mouy rakras. Dran leskre laba lell lo doha djipaske.