Gosewe laba 16:7 - O Debleskro Lab 2024 (Sinte-Manouche)

⁷ Te dikell o baro Devel lačes ap kova, hoy yek krell, palle krell lo, te venn ninna kolla leskre mala, kay kaman leske čilačepen.

O Debleskro Drom 2021 (Sinte)

⁷ Te dikell o baro Dewel latches ap kowa, hoi jek krell, palle krell lo, te wenn ninna kolla leskre mala, kai kaman leske tchilatchepen.

Gosewe laba 16:7 Referans Kwoze

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

1. Johanni 3:22

Oun lauter, hoy mer lestar mangah, kova lah mer, te rikrah men ap kova, hoy yob menge penas, oun djivah yaake, har yob kamella.

Kolossarja 1:10

Palle djivenn t'mer yaake, te vell o Devel sharedo, oun krenn lauter, hoy hi lačo oun mishto glan leskre yaka. Oun dran t'maro djipen vell boud lačo koova. Oun t'mer prindjrenn o Debles hako tsiro feteder.

2. Familjakro liil 17:10

Ap i tsele themma, hoy troul o them Youda čiddo his, moukas o baro Devel i traash te vell, yaake te djas kek an o kourepen o rayeha Yosafat.

Hebrearja 13:21

Mangau o Deblestar, te dell lo t'men i zoor, te krenn lauter kova, hoy lačo hi, yaake har yob kamella. Mou dell lo men i zoor, te djivas yaake, har mishto hi glan leskre yaka. O Yezous Kristo nay krell kova. Sharas o Yezous Kristes kanna oun hako tsiro! Amen.

Jeremia 15:11

Baro Devel, te mangom toutar gar lačepen lenge, te mangom toutar gar, te less len vin dran i čilače vasta an lengre phare tsirya oun an lengri daar, palle moukess koy bibarht te vell, hoy kamenn yon ap mande te anell.

1. Mose 33:4

Koy nashas o Esau pash leste, las les troul i meen oun čoumras les. Oun hake douy rovan.

1. Mose 32:28

Koy poučas lestar ko morsh: “Har khareh tou?” “Yakob”, penas yob.

Kolossarja 3:20

T'mer čave, shounenn hako tsiro ap t'maro dadeste oun ap t'mari date! Kova kamell o ray Yezous t'mendar.

Filiparja 4:18

Kanna hi man lauter, hoy man hounte vell djipaske, oun boudeder har doha. O Epafrodito anas mange kova lauter, hoy t'mer mange bičran. Kova hi yaake, har te anans t'mer o Debleske lačo koova, hoy soungell mishto, oun kay dikell lo lačes pre oun hi barhtelo pral kova.

Debleskri gili 69:31

I gilyah kamau tout te sharell, oun tiro lab te hadell, oun man pash toute te parkrell.

1. Mose 27:41

Kol lače laba, hoy o Isaak pral o Yakobeste rakras, kran, te vas o Esau rhoyedo ap o Yakobeste. Doleske penas o Esau ap peste: “Ko tsiro vella sik, kay rovenn le pral miro dadeskro merepen. Te hi lo moulo, dau miro phrales moulo.”

1. Petro 3:13

T'mer te kamenn i tseli zoryah lačo koova te krell, koon krell t'menge čilačepen? Kek, patsau.

2. Mose 3:21

Oun daryatar krenn le pengre djia t'menge pre oun denn t'men boud lačo koova peha.

Gosewe laba 3:17

O gosvepen anell ap shoukar dromma, kay dell kek čingepen.

Gosewe laba 16:8

Hi feteder, te hi tout gar boud, oun kova lal touke khetne kek rhorhepah, har te vell tout boud bravlepen, hoy anal khetne o rhorhepah.

Jeremia 39:12

Le les pash toute, penas lo. Oun de garda ap leste! Ma douke les! Oun yaake har yob les kamella, yaake kre les leha.

Jeremia 42:12

Me krau t'menge miro dji pre, oun krau, te krell yob t'menge peskro dji pre, oun moukell t'men pale ap t'mari phoub khere te vell.

Daniel 1:9

Oun o Devel kras, te vas o pralstouno pral o rayeskro kheer lačes oun kamles ap o Danieleste.

2. Familjakro liil 20:30

Yaake nay djivan i menshe an o them Youda, kay o Yosafat o baro ray his, kek kourepah. Leskro Devel kras, te djivas lo an o lačepen kol thementsa troul leste.

Esra 8:36

Oun yon anan ko liil, hoy o baro ray dran o them Babilonia len lentsa das, pash i pralstunende oun i themeskre rayende vergel o panyestar Eufrat. Oun kolla van i Israelenge ap i rig, oun dikan ninna, te vell o Debleskro kheer pale pre-čiddo.