Gosewe laba 16:21 - O Debleskro Lab 2024 (Sinte-Manouche)

²¹ Kova kay hayvell, hoy mishto oun gar mishto hi, kova vell kharedo gosevo morsh. Oun yek, kay lače laba hatsell, hi i lačo sikepaskro.

O Debleskro Drom 2021 (Sinte)

²¹ Kowa kai haiwell, hoi mishto un gar mishto hi, kowa well kharedo ‘gosewo mursh’. Un jek, kai latche laba hatsell, hi i latcho sikepaskro.

Gosewe laba 16:21 Referans Kwoze

Jesaja 50:4

O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Gosewe laba 15:7

I gosevengro rakepen sikrell i vavarende, hoy lenge mishto hi. Kova, hoy i dinelen an o shero hi, hi či moldo.

Gosewe laba 27:9

Djet oun soungepaskre kashta krenn o dji barhteles. Feteder hi o djiyeskro kamlepen i malestar.

Jakobo 3:17

Ko gosvepen, hoy o Deblestar vella, hi vavarčandes. I mensho, kay hi les kava gosvepen, kova djivell i djoudjo djipen. Yob kamell te djivell lo lačes i vavarentsa khetne. Yob hi kamlo oun lačo. Les hi i dji i vavarenge, oun krell boud lačo koova. Yob moukell pes gar ap yekeskri rig te tserdell. Les hi gar douy čipya.

Johanni 7:46

“Har kava morsh rakras, shounam mer maro tselo djipen gar!” penan i kliste ap lende.

Louka 4:22

Lauter rakran lestar mishto, oun leskro rakepen his lenge pherdo lačepen. Oun yon kran bare yaka. Oun yon penan: “Hi kava gar o Yosefeskro čavo?”

Sikepaskro 12:10

Yob rodas, te hatsell lo kamle laba. Oun yob činas pre, har čomone čačepah hi.

Gosewe laba 23:15

Miro čavo, te hi tiro dji čačes gosevo, palle hi miro dji ninna barhtelo.

Gosewe laba 10:8

Koles, kay i gosevo dji hi, rikrell pes ap kol laba, hoy leske penlo van. yek, kay dinelo koova rakrell, nashrell halauter.

Debleskri gili 45:2

Miro dji hi pherdo shoukar laba i gilyake, hoy kamau te givap miro baro rayeske. Miri čip hi har i činepaskro yekestar, kay hayvell mishto laba te činell.

1. Rajengro liil 3:12

Doleske krau yaake har tou kova mandar mangal. Me dau tout i gosevo dji, te hayvess halauter, hoy glan toute vella. Yaake his pash kekeste glan toute. Oun pal toute vell vitar kek, har tou hal.

Remarja 16:19

Boud menshe shounan, kay t'mer ap o Debleste patsenn oun ap leste shounenn. Doleske hom me barhtelo pral t'mende. Oun me kamau o tselo djiyestar, te hayvenn t'mer boud oun boudeder, hoy lačo hi, oun te krenn kek čilačo koova.

Mateo 11:25

Oun ap kava tsiro penas o Yezous: Tata, tou hal o ray pral o bolepen oun i phoub. Me sharau tout. Kova, hoy tou kreh, sikral tou kolende, kay gar boud djinenna. Kolla, kay gosevo hi oun boud djinenna, kolla hayvenn kova gar.

Gosewe laba 16:22

Čačo gosvepen hi har djido pani koleske, kay les hi. O dinlepen hi i phagi kolenge, kay dinelo hi.

Hosea 14:9

Palle penell o Efrayim ap mande: Hoy te krap kanna i moule deblentsa? Me shounau oun dikau ap toute. Me hom har i baro zenelo rouk. Kova, hoy ap mande bares vell, vell toutar.

Gosewe laba 10:13

Kova, kay hayvell, hoy mishto oun gar mishto hi, rakrell goseve laba. Koles, kay či an o shero hi, kova lell dava.

Gosewe laba 10:23

O dineleske hi shoukar, te krell lo vi-ladjedo koova. O gosevo morsheske hi shoukar, te hayvell lo gomme boudeder.