Gosewe laba 15:33 - O Debleskro Lab 2024 (Sinte-Manouche)

³³ Kolla, kay djivenn o baro Debleha, dikenn dren, hoy lenge mishto hi, oun venn gosveder. Kolenge, kay krenn pen gar bares, vell ko tsiro, kay sharenn len i vavar.

O Debleskro Drom 2021 (Sinte)

³³ Kolla, kai djiwenn o baro Debleha, dikenn dren, hoi lenge mishto hi, un wenn gosweder. Kolenge, kai krenn pen gar bares, well ko tsiro, kai sharenn len i wawar.

Gosewe laba 15:33 Referans Kwoze

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.

Gosewe laba 18:12

Pre-phourdepen vell glan o perepen. Kolenge, kay krenn pen gar bares, vell ko tsiro, kay sharenn len i vavar.

Gosewe laba 1:7

Glan halauter hounte djivess o baro Debleha, te kameh gosevo te vell. Koneske o gosvepen či moldo hi, oun koon kamell či te djinell, hi dinelo.

Jakobo 4:10

Vitsrenn t'men tele glan o Debleste! Oun yob krell t'men bares.

Debleskri gili 111:10

Koon djivell o baro Debleha, kova lell gosvepen. Gosevo hi hakeno, kay ap o baro Debleskre laba shounella. Te sharas les hako tsiro!

Gosewe laba 29:23

O pre-phourdepen i menshestar krell, te perell lo. Kova, kay hadell pes gar, vell an-diklo.

Debleskri gili 34:11

I bare divye margodje hatsenn gar hako dives doha rhapaske oun hounte bokenna. Kol menshen, kay rodenn o baro Debles, hi lauter doha djipaske.

Hiob 28:28

Yob penas ap o mensheste: Savo mensho hi gosevo, kay rikrell pes o Debles glan i yaka pash kova, hoy lo krell. Savo mensho hayvas, har te djivell lo o gosevo djipen, kay rikrell pes pale o čilačepastar.

Louka 14:11

Koon pes baro krella, koles sharell o Devel gar. Koon pes gar baro krella, oun penella: Me molau či, koles krell o Devel baro.”

Gosewe laba 8:13

Kova, kay kamell o baro Debleha te djivell, kova kamell o čilačepen gar glan peskre yaka te dikell, kova dikell gar tele ap o vavareste oun phourdell pes gar pre, kova djal gar i čilačo drom, oun rakrell kek rhorhepen.

Gosewe laba 1:2

Kal laba sikrenn mende, hoy čačo gosvepen hi, te nay hayvas, hoy men doureder anell, oun hoy gosevo rakepen kamell te penell.

Gosewe laba 15:32

Koon gar shounell, te vell lo trad dino, činell pes an peskro mass. Koon moukell pes čomone te penell, kova vell gosveder.

Gosewe laba 16:1

O mensho lell pes čomone glan an peskro dji. Hoy čačepah vella, penell o baro Devel.

Ester 2:15

Ko tsiro vas, te djal i Ester pash o baro rayeste. Lakro dad his o Abihayil oun lakro kako o Mordekay, kay lat pash peste las, har vell li leskri čay. Oun yoy kamas či boudeder peha te lell, har o Hegay, ko pralstouno pral i djouvyende, lake penas. Oun an i yaka lauterendar, kay dikan lat, his li shoukar.