Gosewe laba 15:14 - O Debleskro Lab 2024 (Sinte-Manouche)

¹⁴ Yek, kay hayvell, hoy mishto oun gar mishto hi, kova rodell, har te djinell lo gomme boudeder. O narvelo bokell pal dinelo koova.

O Debleskro Drom 2021 (Sinte)

¹⁴ Jek, kai haiwell, hoi mishto un gar mishto hi, kowa rodell, har te djinell lo gomme budeder. O narwelo bokell pal dinelo koowa.

Gosewe laba 15:14 Referans Kwoze

Gosewe laba 9:9

Pen i goseveske kova, hoy yob gar mishto kras! Palle vell lo gomme gosveder. An koleske čomone pashel, kay an o čačepen tardo hi! Palle djinell lo gomme boudeder.

Jesaja 30:10

Ap i dikepangre penenn le: “Ma dikenn i dikepen.” Oun ap o Debleskre rakepangre penenn le: “Ma penenn menge, hoy o Devel t'mende sikras oun hoy čačo hi! Penenn menge kova, hoy pes menge shoukar an-shounell! Oun sikrenn men sau koova, har mari djia les kamenn.

Gosewe laba 18:15

I gosevo mensho kamell boud te djinell, oun krell peskre kanda pre, te hayvell lo, hoy čačo hi.

2. Petro 3:18

Djivenn boud oun boudeder dran o lačepen, hoy maro ray, o Yezous Kristo, t'men della! Yob las men vin dran o čilačepen. Prindjrenn les boud oun boudeder! Sharedo vell yob kanna oun hako tsiro. Amen.

Bičepangre 17:11

I bibolde an o foro Berea shounan feteder ap o Debleskro lab, har kol bibolde an o foro Tessalonika. Yon shounan o Debleskro lab pengro tselo djiyeha, oun rodan hako dives an o Debleskro lab, te djinenn le, te hi kova čačo, hoy o Paulo penas.

Gosewe laba 1:5

Kolla, kay gosevo hi, shounenn, har te venn le gomme gosveder. Kolla, kay siklo hi, hatsenn, har te djan le pengro drom.

Hosea 12:1

O baro Devel penell: O rhorheno rakepen i menshendar an o them Efrayim hi troul mande. O kheer Israel rhorhell man vavar deblentsa. Ninna i menshe an o them Youda rikrenn pen gar ap mande, ko čačo Debleste, kay rikrell peskro lab.

Jesaja 44:20

Kova hi yaake, har te mangals lo i yagakri čik an. Leskro dinelo dji anas les an o rhorhepen. Kote hatsell lo kek drom vin, te penals lo peske: “Rikrau me man gar ap o rhorhepen?”

Debleskri gili 119:100

Me krau, hoy tou menge penal. Doleske hayvau boudeder har i phoure.

Debleskri gili 119:97

O djiyestar kamau tiro drom te djal. O tselo dives hi tire laba an miro shero.

Gosewe laba 12:23

Yek, kay gosevo hi, sikrell gar, har boud yob djinell. I dinele denn pengro dinlepen vin gole.

Gosewe laba 15:15

Kolen, kay i pharo dji hi, kolenge hi hake divessa čilače. Yekes, kay shoukapen an o dji hi, leskro dji givell oun bashrell hako dives.