Gosewe laba 14:32 - O Debleskro Lab 2024 (Sinte-Manouche)

³² O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

O Debleskro Drom 2021 (Sinte)

³² O tchilatcho well tele witsedo dran leskro tchilatchepen. Kowa, kai an o tchatchepen tardo hi, koleskro patsepen rikrell les ninna gomme an o merepen.

Gosewe laba 14:32 Referans Kwoze

2. Timoteo 4:18

Ninna an ko tsiro, hoy vella, lell man o Devel dran o tselo čilačepen vin, oun lell man pash peste an o bolepen, kay yob o ray hi. Les sharas mer kanna oun hako tsiro. Amen!

2. Korintarja 5:8

Čačepah, maro dji hi zorelo, oun mer kamams, te moukas i phoub, te vas khere pash o Debleste.

Debleskri gili 23:4

Ninna te nashau me mashkral i tamli tala, darau me glan kek bibarht. Tou hal pash mande. Tiro kashteha aneh tou man pale, oun rikreh i divye firhen mandar krik, yaake hounte trashap gar.

Debleskro tsiro 14:13

Oun me shounom, har i rakepen dran o bolepen penas: “Čin kova an i liil dren: Kanna oun an ko tsiro, hoy vella, hi kolla barhtele, kay merenna oun rikran zoreles pengro patsepen ap o rayeste, o Yezouseste.” “Ava,” penell o Debleskro Dourho, “lenge djal lačes, oun yon bistrenn pengri tseli phari boudi. Kova, hoy yon kran o Debleske hi gar bistedo an o bolepen.”

1. Mose 49:18

Baro Devel, ab ap miri rig!

2. Korintarja 1:9

Maro merepen his glan mare yaka. Kava pharo koova vas ap mende, te dikas bouder gar ap mende, na-a, te dikas ap o Debleste, kay krell i moulen djido.

Gosewe laba 24:16

Kova, kay an o čačepen tardo hi, nay perell efta kope, hako kopo stell lo pale pre. I čilače perenn an i bibarht.

Debleskri gili 37:37

Kre yaake har kova, kay shounell ap o Debleste peskro tselo djiyeha! Oun djib yaake har kova, kay vell kek doosh ap leste hatslo. Savo mensheske djal mishto an ko tsiro, hoy vella.

Hiob 13:15

Mou marell lo man, man hi či te nashrell. Me djom čače dromma; oun kova kamau me leske an o mouy te penell.

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.

Filiparja 1:23

Ava, me djinau gar, hoy feteder hi. Ap yek rig kamaus te merap oun te vap pash o Yezous Kristeste. Kova vals mange feteder.

Filiparja 1:21

Miro djipen hi o Yezous Kristeske. Oun te merau me, hi kova mange feteder.

Remarja 9:22

Yaake hi kova ninna o Debleha. Yob kamas, te sikrell lo peskri zoor, oun te vell peskri rholi pral i menshende, kay nashedo hi. Ninna te kamas lo kova te krell, rikras lo peskri rholi i rah tsiro lendar pale.

Johanni 8:24

Doleske penom t'menge: T'mer merenn an t'maro čilačepen. T'mer te patsenn gar, kay me kova hom, koon me hom, palle merenn t'mer an t'maro čilačepen.”

Johanni 8:21

Pale penas o Yezous ap lende: “Me djau mange. T'mer rodenn man, oun t'mer merenn an t'maro čilačepen. Kote, kay me djaua, nay venn t'mer gar.”

Louka 2:29

“Miro Devel, miro ray, kanna nay merau me an o lačepen, yaake har tou penal.

Gosewe laba 6:15

Doleske vell leskri bibarht sik pral leste. Sik hi lo doukedes ap i phoub čiddo, oun kek sastepen hi leske koy.

Debleskri gili 58:9

Yaake har i momeli tele rhačrell, oun bouder gar koy hi, oun yaake har i ternepen, hoy moulo boldo vell oun o kham gar dikas, yaake te ačenn yon vitar gar.

Debleskri gili 17:15

Me krom, hoy čačo hi. Doleske nay dikau tout. Te djangrau pre, dikau me tout oun hom čalo i barhtyatar.

Debleskri gili 16:11

Tou sikreh o drom, kay an o djipen anell. Pash toute hom barhtelo. Te hom kote, kay tou hal, bashrell miro dji hako tsiro.

Hiob 18:18

I phoubyatar, kay i djide djivenn, vas lo tradedo an ko tamlo them, kay i moule hi.

Debleskri gili 73:24

Tou aneh man ap ko drom, hoy tout mange hi. Oun pal miro djipen ap kay phoub leh tou man pash toute an tiro raylepen.

Gosewe laba 14:33

O gosvepen hi khere an o dji kolestar, kay hayvell, hoy mishto oun gar mishto hi. An i dinelengre djia hi kek gosvepen.

Gosewe laba 5:22

O čilačo koova pandell koles, kay kova krella. Leskri doosh hi har shelle, hoy les pandenn.

Gosewe laba 11:5

Ko čačo koova, hoy o Debleskre menshe krenna, krell lengre dromma čačo. Ko čilačo nashrell pes an peskro čilačo koova.