Gosewe laba 13:7 - O Debleskro Lab 2024 (Sinte-Manouche)

⁷ Kote hi yek, kay krell, har te vals lo bravelo. Oun les hi či. Oun kote hi yek, kay krell, har te vals lo čorvelo. Oun les hi boud bravlepen.

O Debleskro Drom 2021 (Sinte)

⁷ Kote hi jek, kai krell, har te wals lo brawelo. Un les hi tchi. Un kote hi jek, kai krell, har te wals lo tchorwelo. Un les hi bud brawlepen.

Gosewe laba 13:7 Referans Kwoze

Debleskro tsiro 3:17

T'mer penenna: Mer ham bravelo, oun men hi halauter; či hounte vell men bouder. Me penau t'menge: T'mer djinenn gar, te han an i bibarht, yaake te khaytenn t'mer man. T'mer han čorvelo oun nango oun korelo.

Gosewe laba 12:9

Hi feteder, te hi yek čorvelo oun hounte djal ap i boudi, har te krell pes yek bares oun les hi gar doha rhapaske.

Gosewe laba 11:24

Kote hi yek, kova dell oun dell; oun yob lell boudeder oun boudeder. Oun kote hi i vavar, kova hi činlo oun dell či; oun vell čorvleder.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

2. Korintarja 4:7

O lačo lab o Yezous Kristestar hi i baro bravlepen, hoy mer hidjrah an mende. Mer kokres ham har čare, hoy či moldo hi, yaake te dikell hakeno, koy bari zoor vell o Deblestar, oun gar mendar.

2. Petro 2:19

Kolenge penenn le, te nay krenn yon, hoy yon kamenna. Kol rhorhene sikepangre hi pandlo ap o čilačepen, hoy krell lengro djipen paash. I mensho hi pandlo ap kova, hoy zorleder hi har yob.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

Louka 12:21

O Yezous penas doureder: “Yaake djal koleske, kay anas peske boud bravlepen khetne, oun hi čorvelo glan o Debleste.”

Gosewe laba 13:11

O bravlepen, hoy sik khetne lino vas, djal ninna sik pale krik. Kova, kay anell lokes peskre love khetne, lell boudeder oun boudeder.

Debleskro tsiro 2:9

Me djinau, te lenn le t'men palla. Ninna djinau, har čorvelo han. Čačepah han t'mer bravelo! Me djinau ninna, te rakrenn kolla djoungeles pral t'mende, kay penenn pendar, te hi le Debleskre menshe. Yon hi kek Debleskre menshe. Na-a, yon hi bengeskre menshe.

1. Korintarja 4:8

T'mer krenn, har te vans čalo oun djinans halauter. T'mer krenn, har te vans bravelo. T'mer krenn, har te vans raya. Mer ham kek raya. Me kamoms, te vans čačepah raya. Palle vams mer t'mentsa khetne raya.

Louka 12:33

Bikrenn, hoy t'men hi! Denn kol love i čorvelende! Palle hi kova yaake, har te krenn t'men i lovengro gono, hoy gar paash djala! Yaake krenn t'menge i baro bravlepen, hoy nashrenn nay gar. Kova hi an o bolepen, kay kek čorepaskro t'maro koova hatsella, oun kek kirme les nay pre rhan!

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Gosewe laba 13:8

I bravelo nay ginell peskro djipen vin. I čorveleste dell kek trad. Pash leste hi či te lell.