Gosewe laba 12:28 - O Debleskro Lab 2024 (Sinte-Manouche)

²⁸ O djipen hi kote, kay djan le ap o čačo drom. Kava drom hi mishto kerdo oun anell gar an o merepen.

O Debleskro Drom 2021 (Sinte)

²⁸ O djipen hi kote, kai djan le ap o tchatcho drom. Kau drom hi mishto kerdo un anell gar an o merepen.

Gosewe laba 12:28 Referans Kwoze

3. Johanni 1:11

Lačo phraal, ma kre o čilačepen palla! Kre o lačepen! Kova, kay krell lačo koova, vell o Deblestar. Kova, kay o čilačepen krella, kova prindjrell o Debles gar.

Remarja 5:21

O menshengro čilačepen his zorelo, oun anas o merepen. O Debleskro lačepen hi zorleder. Kanna, kay ham čačo glan leste, dell lo men o djipen, hoy gar pre-herella. Kova kras maro ray, o Yezous Kristo, menge.

Gosewe laba 11:19

Te kreh o čačepen, hal ap o drom an o djipen. Te nasheh o čilačepen palla, djah ap o drom an o merepen.

1. Johanni 3:7

Čovale, moukenn t'men kekestar o Debleskro dromestar tele te anell! T'mer hounte djinenna, kolla, kay krenna, hoy čačo hi glan o Debleskre yaka, kolla hi an o čačepen tardo glan o Debleste yaake har o Yezous an o čačepen tardo hi glan o Debleste.

1. Johanni 2:29

T'mer djinenna: O Yezous Kristo kras, hoy čačo hi glan o Debleste. Yaake djinenn t'mer ninna: Kolla, kay krenn, hoy čačo hi glan o Debleste, kolla hi o Debleskre čave.

Ezekiel 18:9

Yob krell, hoy lestar kamau, oun djivell pal miro čačepen. Savo menshes hi kek doosh ap peste. Yob ačell djido. Kova penau me, o baro Devel, t'maro ray.

Gosewe laba 10:16

I boudi kolestar, kay an o čačepen tardo hi, anell leske doha djipaske. I rhorheno kras peskro bravlepah čilačo koova.

Gosewe laba 8:35

Ko mensho, kay man hatsas, kova hatsas o djipen, oun o baro Devel dikell lačes ap leste.

5. Mose 30:15

Dikenn, me moukau t'men kava dives vin te rodell mank o lačepen oun o čilačepen, mank o djipen oun o merepen.

Gosewe laba 9:11

Me, o gosvepen, dau tout i lengsto djipen, krau, te djiveh boud bersha.

5. Mose 32:46

Denn yak ap kal tsele laba, hoy t'menge kava dives penom. Penenn len ninna t'mare čavenge, oun denn len trad, te rikrenn le pen ap kol tsele čačepaskre laba, oun djivenn pal lende.

Jeremia 21:8

Oun ap kal menshende an o foro Yerusalem pen: Kova penell o baro Devel: T'mer nay rodenn t'menge vin, hoy kamenna: o djipen oder o merepen.

5. Mose 30:19

Kava dives dau gole ap o bolepen oun ap i phoub, te dikenn le: O djipen oun o merepen čivom me glan t'mende, o Debleskri barht oun i bibarht. Yaake rodenn t'menge o djipen vin, te ačenn djido, t'mer oun kolla, kay t'mendar venna.

Gosewe laba 10:2

Čoredo bravlepen hi čičeske. O čačepen lell tout dran o merepen vin.