Gosewe laba 12:13 - O Debleskro Lab 2024 (Sinte-Manouche)

¹³ O čilačo taprell pes kokres an peskre rhorhene laba. Kolla, kay an o čačepen tardo hi, venn vin dran i bibarht.

O Debleskro Drom 2021 (Sinte)

¹³ O tchilatcho taprell pes kokres an peskre chochene laba. Kolla, kai an o tchatchepen tardo hi, wenn win dran i bibacht.

Gosewe laba 12:13 Referans Kwoze

Gosewe laba 21:23

Kova, kay nay rikrell peskro mouy oun dell yak ap peskri čip, savo rikrell bibarht pestar krik.

Gosewe laba 11:8

Kova, kay an o čačepen tardo hi, vell vin lino dran i bibarht. Oun pal leste vell ko čilačo koy dren.

Debleskri gili 64:8

O Devel dell ap lende karye. Sik hi le ap i phoub čiddo.

Daniel 6:24

Kote stas o baro rayeskro dji i barhtyatar. Oun yob penas, te lenn le o Danieles vin dran koy grouba. Oun o Daniel vas vin lino, oun kek doukepen vas ap leste hatslo, doleske kay rikras yob zoreles ap peskro Debleste.

Gosewe laba 6:2

Pandal tout tiro labeha? Hal tou pandlo an tiro rakepen, hoy dran tiro mouy vas?

2. Petro 2:9

O Devel, maro ray, hayvell garda te dell ap kolende, kay les kamenna, te perenn le gar o čačo dromestar tele. Yob hayvell ninna kol čilačen pandlo te rikrell, te lenn le pengri phagi ap ko dives, kay vell o čačepen vi-rakedo pral i tsele menshende.

Sikepaskro 7:18

Mishto hi, te rikreh tout ap ko yek lab, oun bistreh vitar gar ko vavar lab. Koon djivell o Debleha, rikrell pes ap kova lauter.

Mateo 27:25

Oun kol tsele menshe penan: “Koy doosh vell ap mende oun ap mare čavende!”

Gosewe laba 15:2

O gosevo rakrell yaake, te hayvenn i vavar, hoy mishto hi. Dran o narveleskro mouy vell či har dinlepen.

Debleskri gili 34:19

O baro Devel hi pash kolende, kay lengro dji phagedo hi. Oun kolenge, kay dikenn bouder kek momeli an pengro djipen, hi lo ap i rig tardo.

Debleskri gili 5:6

Kol pre-phourden kameh tou gar glan tire yaka te dikell, oun tou rhoyreh tout ap hakeneste, kay i vavarenge čilačepen krella.

1. Rajengro liil 2:23

Oun o baro ray Salomo das pes sovel glan o baro Debleste oun penas: “Kava mangepaske hounte merell o Adoniya. O baro Debleskri rholi te vell pral mande, te moukau les gar te marell!

2. Samuel 4:9

Koy penas o David: “Me dau man sovel pash o djido Debleste, kay las man vin dran hako čilačepen:

1. Mose 48:16

ko bolepaskro, kay las man vin dran hako čilačepen, kova mou čivell peskri barht oun zoor ap kol čavende, te djivell miro lab doureder an lende, ninna o lab miro papestar Abraham oun miro dadestar Isaak. Oun lendar venna boud menshe ap i phoub.

Debleskri gili 59:12

Ma de len moulo, te bistrenn kova mire menshe gar! Trade len tiri zoryah, te nashenn le kate te kote! Stake len tele, tou, kay rikreh tiro vast pral mende.

Gosewe laba 18:21

Kol laba, hoy yek rakrell, nay anenn leske o merepen oun ninna o djipen. Oun kova, kay boud rakrell, dikella, hoy leskre laba leske dren anenn.

Debleskri gili 34:20

Boud douka venna ap koleste, kay an o čačepen tardo hi. Dran kova lauter lell o baro Devel les vin.

Debleskri gili 59:13

Yon praasenna oun rhorhenna. Hako labeha, hoy yon penenn, doukrenn le tout. Mouk lengro pre-phourdepen i shello lenge te vell, yaake te hounte perenn le, oun venn kokres dren pandlo.

Gosewe laba 10:8

Koles, kay i gosevo dji hi, rikrell pes ap kol laba, hoy leske penlo van. yek, kay dinelo koova rakrell, nashrell halauter.