Gosewe laba 11:17 - O Debleskro Lab 2024 (Sinte-Manouche)

¹⁷ Kova, kay lačo ap o vavareste hi, krell peske kokres mishto. Kova, kay o vavares doukrell, doukrell pes kokres.

O Debleskro Drom 2021 (Sinte)

¹⁷ Kowa, kai latcho ap o wawareste hi, krell peske kokres mishto. Kowa, kai o wawares dukrell, dukrell pes kokres.

Gosewe laba 11:17 Referans Kwoze

Mateo 5:7

Barhtele hi kolla, kay hi len i baro dji i vavar menshenge. O Debles hi i baro dji lenge.

Jakobo 2:13

Ma bistrenn! Vell yek dives, kay rakrell o Devel o čačepen vin pral t'mende. Te hi yekes kek dji i vavareske, koleske hi o Debles vitar kek dji. Kones hi i dji i vavarenge, koles hounte vell kek daar ap ko dives, kay rakrell o Devel o čačepen pral i menshende vin.

Filiparja 4:17

Me penau kova gar, te denn mange čomone. Na-a, kamau, te denn t'mer o Debleske čomone, te sharell yob t'men.

Daniel 4:27

kharas lo vin: “Ake, o baro foro Babilon! Me čivom les pre miri bari zoryah, te vell lo miro foro, kay hom baro ray. Lauter, kay dikenn les, sharenn miro raylepen.”

Jesaja 57:1

O baro Devel penell: Kova, kay an o čačepen tardo his, meras. Oun kek lell kova an peskro dji. Oun kolla, kay rikran ap mande, nashran pengro djipen. Oun halauter krenna, har te vals kova gar lengro koova. Čačepah, ko čačo mensho vas vin lino dran o tselo čilačepen oun bibarht.

Sikepaskro 4:8

Kote hi yek kokres, oun kek hi pash leste. Kek čavo hi les oun kek phraal. Oun yob boudrell oun boudrella, te vell lo bravelo. Yob hounte poučals pestar: Koneske boudrau man tele, oun moukau les mange gar mishto te djal? Savo koova hi phares te hayvell oun i bibarht.

Gosewe laba 15:27

Koon rhorhepah peskro bravlepen khetne lell, anell peskri familya an i bibarht. Koon moukell pes gar te ginell, savo djivell.

Louka 6:38

Denn i menshen lačo koova! Oun o Devel dell t'men lačo koova! Ava, yob dell t'men yaake boud, te hi t'men boudeder har doha. Yob dell t'men yaake boud, te nay lenn kova gar lauter. Doleske penau t'menge: T'mer te denn boud, palle dell o Devel t'men boud. T'mer te denn gar boud, palle dell o Devel t'men gar boud.

Hiob 20:16

Ko čilačo koova, hoy lo kras, hi an leste har sapeskro čounger, oun marell les har i čilačo sap, kay dandras les.

Gosewe laba 22:9

Kova, kay lačes ap i vavarende dikell, dell peskro maro i čorveleste. Ap leste vell barht vi-rakedo.