Gosewe laba 11:16 - O Debleskro Lab 2024 (Sinte-Manouche)

¹⁶ I kamli djouvel vell sharedo. Oun i morsh, kay hayvell pes te kourell, vell bravelo.

O Debleskro Drom 2021 (Sinte)

¹⁶ I kamli djuwel well sharedo. Un i mursh, kai haiwell pes te kurell, well brawelo.

Gosewe laba 11:16 Referans Kwoze

Louka 10:42

Dell yek koova, hoy boud moldo hi, oun i Maria hatsas les. Kova vell latar gar krik lino.”

Bičepangre 9:39

O Petro stas pre oun djas lentsa. Har yob kote vas, anan yon les an koy pralstouni isema, kay koy mouli djouvel čiddo hi. Boud djouvya, kolengre romma moulo hi, his kote oun rovan. Kolla van pash leste oun sikran leste kol ripya, kay i Tabita kras, har yoy djivas.

2. Johanni 1:1

Me, i phoureder, činau ap koy rayetsa, kolat o Devel peske vin rodas, oun ap lakre čavende. Me kamau t'men o tselo djiyestar, oun gar me kokres, ninna kol vavar, kay prindjrenn o čačepen, kamenn t'men o djiyestar.

Louka 8:3

Ninna i Susanna djas leha, oun i Yoanna. Lakro rom his o Kouza. Kova his o pralstouno boudepaskro an o Herodeskro kheer. Oun boud vavar djouvya djan leha, te denn le len rhapen oun pipen dran kova, hoy len hi.

Mateo 26:13

Čačepah, me penau t'menge: Ap i tseli phoub, kay mire laba i menshenge penlo venna, koy vell ninna penlo, hoy koya djouvel mange kras. Yoy vell gar bistedo.”

Ester 9:25

An ko liil his ninna tardo, har i Ester pash o baro rayeste djas oun har kova an i liil penas, te vell o Hamaneha ko čilačo koova kerdo, hoy yob kamas i biboldentsa te krell. Oun yaake vas o Haman oun peskre čave ap i bare kashta pre bladedo.

Remarja 16:6

Penenn ninna lače laba mandar ap i Mariat! Kaya boudras yaake boud t'menge.

Gosewe laba 31:28

Lakre morsh čave stakrenn glan oun sharenn lat. Oun lakro rom sharell lat kal labentsa:

1. Samuel 25:40

Oun har o Davideskre boudepangre pash i Abigayil an Karmel van, penan le ap late: “O David bičras men pash toute, te las tout: yob kamell tout romedinerell.”

Amos 3:9

Denn vin gole an i shoukar khera an o foro Ashdod oun an o them Egiptia: Avenn khetne ap i berge troul o foro Samaria, oun dikenn, har divyo oun čilačo i menshe kote hi, oun har yek o vavares zoryah tele rikrell.

Amos 3:10

Yon dikenn gar ap o čačepen, penell o baro Devel. Yon lenn penge bravlepen khetne an pengre khera, hoy čoran le oun lan le zoryah i vavarendar krik.