Gosewe laba 10:7 - O Debleskro Lab 2024 (Sinte-Manouche)

⁷ Lače menshe venn gar bistedo. Kova, hoy le kran, hi o Debleskro lačepen. I čilače venn bistedo.

O Debleskro Drom 2021 (Sinte)

⁷ Latche menshe wenn gar bistedo. Kowa, hoi le kran, hi o Debleskro latchepen. I tchilatche wenn bistedo.

Gosewe laba 10:7 Referans Kwoze

Debleskri gili 112:6

Yob ačell zoreles tardo hako tsireske. Kova, kay an o čačepen tardo hi, vell an kek tsiro bistedo.

Louka 1:48

Me hom gar moldo, te dikas o Devel yaake lačes ap mande. Oun kanna sharenn man i tsele menshe. Oun lengre čave penenna mandar, kay o Devel man barhteles kras.

Markus 14:9

Čačepah, me penau t'menge: Ap i tseli phoub, kay penenn le o lačo lab mandar i menshenge, koy vell ninna penlo, hoy koy djouvel mange kras. Yoy vella gar bistedo.”

Debleskri gili 109:13

Kre, te merenn kolla vin, kay pal leste venna. Leskre čavengre čaven venn kek čave bouder, yaake te vell lengro lab bistedo.

2. Familjakro liil 24:16

Oun doleske, kay lo boud lačo koova kras i Israelenge, o Debleske oun o Debleskro kheer, paskran le les an o Davideskro foro pash i bare rayende.

Debleskri gili 109:15

Mouk kova, hoy le kran, hako tsiro glan tire yaka te vell! Kre, te vell leskro lab bistedo an o tselo them!

Hiob 18:17

Kek ap i tseli phoub djinell gomme, koon yob his. Pash hakeneste vell lo bistedo.

2. Rajengro liil 19:34

“Me rikrau mire vasta pral kava foro, oun me lau les vin dran i čilače vasta. Kova krau me mange kokres, oun o Davideske, kay miro boudepaskro his.”

1. Rajengro liil 11:36

Leskro čaves moukau yek kotar. Yaake hi an hako tsiro i čavo o Davidestar o ray an o foro Yerusalem. Kava foro rodom me mange vin, te djivap kote.

Sikepaskro 8:10

Oun pale dikom, har čilače menshe shoukar paskedo van. Oun kolla, kay o čačo koova kran, hounte moukan o Debleskro kheer, oun van bistedo an o foro. Kova hi ninna phares te hayvell.

Hiob 27:23

Ko dourho hi har yek, kay dell i vasta pral leste khetne, oun dell shol har te sals lo pral leste, kay lo ninna djal.

Jeremia 17:13

Tou, baro Devel, hal kova, ap koleste i Israelitarya dikenn. Pral halauterende, kay moukan tout, vell ladj. Oun kolla, kay djan toutar krik, kolengre laba venn bistedo har te vans le činlo an i čik. Yon moukan tout, o baro Debles, kova, kay hi har i kvella, dran kolate djido pani vell.

2. Familjakro liil 32:33

Oun o Hiskiya meras, oun yon paskran les ap yek kol feteder platse an o moulengro kheer, kay i bare raya dran o Davideskro kheer paskedo his. Oun i tsele menshe an o them Youda oun an o foro Yerusalem, sharan les pash peskro paskepen. Oun leskro čavo, o Manasse, vas o baro ray pal leste.

Hiob 24:20

Saves bistrell ninna leskri day. I kirme rhan pen čales ap leste. Kekeske vell lo bouder an o shero. Yaake phagell o čilačepen khetne har kasht.

Debleskri gili 34:16

O baro Devel dikell ap kolende, kay an o čačepen tardo hi. Oun leskre kanda shounenn len, te denn le gole.

Gosewe laba 22:1

Te rakrenn le pral toute lačo koova, hi kova feteder har baro bravlepen. Te dikenn le lačes ap toute, hi kova feteder har roup oun sonakay.

Jesaja 14:22

O baro Devel, ko ray pral o bolepen oun i phoub, penell: Me hadau man pre ap i menshende an o foro Babilon. Leskro lab vell bistedo. Oun kek lendar ačell djido, vitar gar lengre čave oun čavengre čave.

Debleskri gili 34:17

O baro Devel hi gar kolentsa, kay o čilačepen krenna, oun krell, te venn le sik bistedo pal lengro merepen.

Debleskri gili 41:5

Me penom: “Baro Devel, kre tiro dji mange pre! Me anom doosh ap mande. Kre man sasto!”