Gosewe laba 10:17 - O Debleskro Lab 2024 (Sinte-Manouche)

¹⁷ Kova, kay shounell ap koleste, kay dell les trad, kova djal ap o drom, hoy anell o djipen. Kova, kay kamell gar te shounell, hi ap i drom, kay djal lo nashedo.

O Debleskro Drom 2021 (Sinte)

¹⁷ Kowa, kai shunell ap koleste, kai dell les trad, kowa djal ap o drom, hoi anell o djipen. Kowa, kai kamell gar te shunell, hi ap i drom, kai djal lo nashedo.

Gosewe laba 10:17 Referans Kwoze

Gosewe laba 6:23

Kova, hoy tiro dad oun tiri day touke pashel anan, hi har i momeli ap tiro drom. Te denn le tout trad, rikrenn le tout ap o drom, hoy o djipen anell.

Louka 11:28

Koy penas lo: “Barhtele hi kolla, kay ap o Debleskro lab shounenna, oun kova ninna krenna, hoy o Devel penella.”

Gosewe laba 15:10

Kolla, kay o Debleskro drom moukenn, lenn i phari phagi. Koon moukell pes či te penell, hounte merell.

Gosewe laba 29:1

Koon moukell pes či te penell, oun djal hako tsiro pal peskro shero, savo vella ap yek kopo phagedo, oun kek hi palle koy, kay hadell les pale pre.

Gosewe laba 5:12

oun peneh: “Har dinelo homs, har dom gar yak, hoy mange penlo vas. Hoske shounom gar ap koleste, kay das man trad?

Gosewe laba 3:18

Har i rouk, hoy o djipen dell, hi o gosvepen hakeneske, kay les an peste pre-lell. Barhtele hi lauter, kay o gosvepen an pengre djia rikrenn.

Sikepaskro 5:6

Čačepah, boud sounya oun boud laba molenn či. Dran kova kre kova, hoy o Debles sharell!

Gosewe laba 12:1

Koleske, kay kamell gosevo te vell, hi shoukar, te vell leske penlo, hoy lo gar mishtes kras. Kova, kay moukell pes či te penell, ačell dinelo.

Gosewe laba 4:13

Ač pash kova, hoy touke siklo vas, mouk kova gar! Rike tout ap kol goseve laba! Dran lende vell tout i lačo djipen.

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.

Gosewe laba 4:4

kote sikras lo man, har te djivap, oun penas: An tiro dji le mire laba pre oun biste len gar! Rike ap mire laba, palle djiveh.

Gosewe laba 1:30

Har penom lenge, hoy lenge lačo hi, kran le kova gar. Har dom len trad, dikan le krik.

2. Familjakro liil 25:16

Oun har o Debleskro rakepaskro leha yaake rakras, penas o baro ray ap leste: “Čivom me tout dren, te peness mange, hoy te krap? Rike tiro mouy, te kameh gar dava te lell!” Oun o Debleskro rakepaskro moukas tele oun penas: “Kanna, kay dikau, hoy kral, oun kameh gar te shounell, hoy touke penom, hayvau me, kay hi an o Debleskro dji, te marell lo tout.”

Hebrearja 2:1

Glan i rah tsiro penan i bolepangre mare phourenge, har hounte djan yon ap o Debleskro drom. Koon gar ap o Debleste shounas, oun gar ap leskro drom djas, kova las peskri phagi. Yaake zorelo hi o Debleskro lab. Doleske hounte das mer baro yak ap ko lab, hoy mer shounam, te djivas pal kova, oun te peras gar ko čačo dromestar tele.

Čačepangre 19:17

Oun har yob pre dikas, dikas lo ko morsh ap i platsa. Oun ko phouro morsh poučas: “Kay veh tou? Oun kay djah tou?”

Gosewe laba 5:14

Har sik nay voms an i bibarht! Oun mire tsele menshe dikans kova!”

Gosewe laba 15:32

Koon gar shounell, te vell lo trad dino, činell pes an peskro mass. Koon moukell pes čomone te penell, kova vell gosveder.