Gosewe laba 1:15 - O Debleskro Lab 2024 (Sinte-Manouche)

¹⁵ Miro čavo, ma dja lentsa ap lengro drom! Rike tout krik lendar!

O Debleskro Drom 2021 (Sinte)

¹⁵ Miro tchawo, ma dja lentsa ap lengro drom! Rike tut krik lendar!

Gosewe laba 1:15 Referans Kwoze

Debleskri gili 119:101

Hako čilačo dromestar rikrom mire herya pale, te rikrap tiro lab.

Debleskri gili 1:1

Barhtelo hi kova, kay shounell gar ap kova, hoy i čilače penenna, Barhtelo hi kova, kay djal gar kolentsa, kay moukan o Debleskro drom. Barhtelo hi kova, kay beshell gar pash kolende, kay sanenn pral o Debleste.

Gosewe laba 4:27

Dja gar tele kava dromestar, gar čačes oun gar serves. Rike tire herya pale o čilačo dromestar!

2. Korintarja 6:17

Doleske penell o Devel: Djan kolendar krik, kay sharenn vavar koova! Ma avenn lentsa khetne! Lenn či an t'mare vasta, hoy hi pale-čiddo glan mire yaka! Palle lau t'men kamles pash mande pre.

Gosewe laba 13:20

Kova, kay khetne hi kolentsa, kay gosevo hi, kova vell ninna gosevo. Kova kay i maal hi i dinelentsa, kova vell bibarhtelo.

Gosewe laba 5:8

Rike tiro drom dour krik latar! Ma dja pash o voudar lakro kherestar!

Jeremia 14:10

Yaake penas o baro Devel kal menshendar: Yon nashenn yek rigyatar ap i vavar, yaake har kamenn le. Doleske dikell o baro Devel gar lačes ap lende. Leske vell an o shero, havo čilačo koova yon kran. Oun lengri doshake dell yob len i phagi.

Gosewe laba 9:6

Ma dja kolentsa, kolen či an o shero hi! Palle djiveh. Dja kolentsa, kay goseve hi!

Gosewe laba 1:14

Ab mentsa! Hakeno mendar lell yaake boud har ko vavar.”

Gosewe laba 24:1

Ma zilve ap čilače menshende, ma rode lengro maal te vell!

Gosewe laba 3:31

Ma dik zilve yakentsa ap yekeste, kay las pes i zoryah, hoy i vavareske his. Ma kre har yob!

Jesaja 33:15

Kolla, kay an o čačepen tardo hi, oun rakrenn, hoy čačo hi; kolla, kay kekeske rhorhepah love tele lenn, te venn le bravelo, oun tserdenn pengre vasta pale, te kamell yek len love te dell, te anenn le rhorhepen pre; kolla, kay shounenn gar ap kolende, kay kamenn yekes te marell, oun kolla, kay djan gar kolentsa, kay o čilačepen krenn,