Galatarja 5:2 - O Debleskro Lab 2024 (Sinte-Manouche)

² Shounenn ap mire laba! Me, o Paulo, penau t'menge: Hakeno, koon moukell pes ap o mass te činell, yaake har i bibolde kova kamenna, koleske meras o Yezous Kristo čičeske.

O Debleskro Drom 2021 (Sinte)

² Shunenn ap mire laba! Me, o Paulo, penau tumenge: Hakeno, koon mukell pes ap o mass te tchinell, jaake har i bibolde kowa kamenna, koleske meras o Jesus Kristo tchitcheske.

Galatarja 5:2 Referans Kwoze

Galatarja 5:6

O Yezous Kristeske molell či, te hi i morsh ap o mass činlo, vitar gar, te hi lo gar činlo. Kova, hoy hi boudeder moldo har lauter, hi o patsepen. Ko patsepen dikah mer ap o kamlepen, kay yekes hi i vavareske.

Bičepangre 15:1

Koy van morsha dran o them Youdea an o foro Antiochia tele, oun penan kol patslenge, kay kek bibolde hi: “T'mer hounte moukenn t'men ap o mass te činell, har o Mose kova an peskre lila činas. Te moukenn t'men gar ap o mass te činell, palle nay venn t'mer gar o Debleskre čave.”

Galatarja 5:11

Mire phrala, me te penoms i menshenge, te moukenn pen yon ap o mass te činell, lans i bibolde man gar palla. Palle rhoyrans le pen gar pral kova, kay rakrau pral o Yezouseskro merepen ap o troushel, oun penau lenge, kay yob kokres men pash o Debleste anella.

2. Korintarja 10:1

Me, o Paulo, rakrau t'mentsa kamles oun lačes, yaake har o Yezous Kristo kamles oun lačes hi. Hi menshe mank t'mende, kay penenna: “Me te hom pash t'mende, nay rakrau kek triin laba. Te hom dour t'mendar krik, palle rakrau zorele labentsa.”

Bičepangre 15:24

Mer shounam, te van menshe mendar pash t'mende, oun kran t'men dineles, yaake te lan t'mer traash. Djinenn, kolen bičram mer gar pash t'mende.

1. Tessalonikarja 2:18

Me, o Paulo, kamom boudeder kope pash t'mende te vell. Oun o beng vas hako kopo koy mashkral.

1. Korintarja 16:21

Ačenn o Debleha! Kova činau me, o Paulo, miro vasteha.

Bičepangre 15:5

His Farisarya koy, kay ap o Yezouseste patslo van. Kolla penan ap i phralende: “Kolla, kay kek bibolde hi, hounte venn ap o mass činlo, oun lenge hounte vell penlo, te rikrenn le pen ap o Moseskre laba.”

Filemon 1:19

Me, o Paulo, činau kova kokres miro vasteha. Me kamau playsrell, hoy yob hounte playsrals touke. Me kamau gar te rakrap pral koy siyaan, hoy tout pash mande hi: Me anom tout ap o Debleskro drom.