Galatarja 4:6 - O Debleskro Lab 2024 (Sinte-Manouche)

⁶ Kanna ham leskre čave. Doleske das o Devel peskro čaveskro Dourho an mare djia. Kova dell gole: Tata, miro dad!

O Debleskro Drom 2021 (Sinte)

⁶ Kanna ham leskre tchawe. Doleske das o Dewel peskro tchaweskro Ducho an mare djia. Kowa dell gole: Tata, miro dad!

Galatarja 4:6 Referans Kwoze

Remarja 5:5

Oun kava patsepen moukell yekes gar nashedo te djal. O Devel kamell men o tselo djiyeha. Kova sikras men o Debleskro Dourho, hoy o Devel an mende das.

Remarja 8:9

T'mer djivenn bouder gar t'maro phouro djipen. Na-a. Te hi o Debleskro Dourho an t'mende, djivenn t'mer ko nevo djipen, hoy yob t'mende das. Kones hi gar o Yezous Kristeskro Dourho an leste, kova hi gar i Debleskro čavo.

Filiparja 1:19

Ava, me hom barhtelo. T'mer mangenn o Debles mange. Oun ap miri rig hi o Debleskro Dourho, kay o Yezous Kristo man das. Doleske djinau, te djal lauter mishto mange.

Efesarja 2:18

Mende halauterende das yob o Debleskro Dourho. Oun kova krell, te nay vah mer lauter glan o Debleste, maro dadeste.

2. Korintarja 3:17

Maro ray Yezous oun o Debleskro Dourho hi yek. Te djivell o Debleskro Dourho an yekeste, hi ko mensho bouder gar pandlo, oun hounte djal bouder gar ap o phouro drom.

Efesarja 4:30

Te krenn t'mer i čilačo koova, palle doukrenn o Debleskro Dourho an t'mare djia. O Devel das les t'mende, te sikrell lo, kay leskro han ap ko dives, kay lell lo t'men dran o tselo čilačepen vin.

Judas 1:20

T'mer, mire phrala oun phenya, ačenn zoreles an t'maro patsepen, hoy das t'men o Devel. Oun mangenn les yaake, har leskro Dourho an t'mende kamell.

Johanni 16:7

Patsenn man: Hi mishto t'menge, te djap mange. Te djau me gar, nay vell ko rakepaskro gar pash t'mende, kay vella ap t'mari rig. Me te djau mange, bičrau les pash t'mende.

Johanni 14:16

Oun me mangau o dadestar, te bičrell yob t'menge i rakepaskres, kay vell ap t'mari rig. Yob djal bouder gar krik t'mendar.

Louka 11:13

Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen peskro Dourho kolende, kay les mangenna.”

2. Korintarja 1:22

oun das men peskro Dourho. Ko Dourho, hoy an mende hi, sikrell men, kay ham leskro. Doleske djinah, yob dell men gomme boud bareder lačo koova an ko tsiro, hoy vella.

Johanni 15:26

Te hom pash o dadeste, palle bičrau t'menge o rakepaskres, kay vella ap t'mari rig. Kova hi o Debleskro Dourho. An leste hi o čačepen. Yob vella o dadestar, oun penell o čačepen pral mande.

Louka 11:2

Penas o Yezous ap peskre malende: “Te rakrenn o Debleha, penenn: Maro dad, tiro lab vell sharedo. Te vell ko tsiro sik, kay tou o ray hal pral i tseli phoub!

Johanni 3:34

Koles, kay o Devel pash mende bičras, kova rakrell o Debleskre laba. O Devel dell an leste peskro tselo Debleskro Dourho, oun rikrell či pale.

Jeremia 3:4

Oun kanna peneh ap mande: Kamlo dad, tou hal miro maal yaake rah har djivau.

1. Petro 1:11

Yon kaman ninna ko tsiro te djinell, kay kova vella. O Yezouseskro Dourho his an lende. Oun kova sikras len kol douka, hoy venna pral o Yezouseste, oun ko raylepen, hoy lell lo pal kova.

Efesarja 6:18

Rakrenn hako tsiro o Debleha! Mangenn lestar kova, hoy o Debleskro Dourho an t'mare djia čivella! Ma moukenn tele te mangell les i tsele patslenge!

Jeremia 3:19

Me, o baro Devel penom, har nay rikrau me tout, har te vess tou miro čavo? Kamoms te dap tout ko lačo them, ko shoukester kotar them i tsele themendar. Oun patsom, tou peness palle ap mande kamlo tata, oun djals bouder gar mandar krik.

Debleskro tsiro 19:10

Oun me vitsrom man glan leste tele, te sharap les. Oun yob penas ap mande: “Ma kre kova! Share o Debles! Me hom o Debleskro boudepaskro har tou oun tire phrala, kay sikrenn i vavar menshende o Yezouseskro drom. Kolen das o Yezous o Debleskro Dourho. Kova sikrell len, te hi le leskre menshe.”

Efesarja 1:13

T'mer ninna shounan o čačepen. Oun t'men vas ko drom siklo, hoy anas t'men pash o Debleste. Ko drom hi o Yezous Kristo. Har t'mer ap leste patslo van, das lo t'men o Debleskro Dourho an t'mare djia. Glan i rah tsiro penas o Devel, te dell lo les peskre čavende. Yaake sikrell lo, koon leskre čave hi.

1. Korintarja 15:45

An o Debleskro lab hi činlo: O ersto mensho, o Adam, las o djipen. Oun o Yezous Kristo, koles nay kharams mer o douyto mensho – yob hi i djido dourho, kay dell o djipen.

Bičepangre 16:7

Har yon an o them Misia van, kaman le doureder an o them Bitinia te djal. Oun o Yezouseskro Dourho moukas len gar kote te djal.

Johanni 7:39

Yob penas kova pral o Debleskro Dourho, hoy kolla lenna, kay ap leste patsenna. O Debleskro Dourho his gomme gar koy. Ap ko tsiro his o Yezous gomme gar pash o Debleste an o bolepen, te bičras lo les ap lende.

Markus 14:36

Oun o Yezous mangas o Debles: “Tata, halauter nay kreh tou. Mouk, te venn kol douka gar ap mande! Ninna te mangau tout kova, ma kre, hoy me kamau! Kre yaake, har tou kameh!”

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.